Ola rapazas e rapaces, nenos e nenas:

Esta fin de semana recoméndovos que vexades esta representación musical:

Aquí vos deixo algunhas audicións con musicograma para que vos entreteñades escoitando música instrumental. Escóitaas varias veces, despois intenta seguir o musicograma. Fíxate se ten introdución. Fíxate na esctrutura A,B,C,D... e se ten signos de repetición. Lembra que ao final pode aparecer DC (Dacapo) que significa volver ao principio.

 Se queredes facer algunha consulta ou enviar algún traballo podedes utilizar este enderezo: cedeiraem@gmail.com

Propóñovos unha páxina web: aprendomusica.com

Nela atoparedes moitas actividades sinxelas e divertidas para repasar as notas, as figuras, os instrumentos e mesmo aprender a interpretar pezas novas coa frauta. Hai tres niveis de dificultade, o inicial está pensado para 1º e 2º de primaria, o intermedio para 3º e 4º e o avanzado para 5º e 6º.

Se queredes facer algunha consulta podedes utilizar este enderezo: cedeiraem@gmail.com

Taller de instrumentos:

Propóñovos construír un instrumento musical, é unha maneira de traballar a expresión artística e estar entretido. Dependerá dos materiais dos que dispoñas. Faino sempre baixo a supervisión dun adulto. Aquí tedes algunhas ideas:

•  Maracas.
• Unha pequena maraca.
• Botón zumbador.
• Castañolas, carillón, xilófono.
• Maracas, matraca, güiro.
• Tubo harmónico.
• Tambor indio, sambina, maracas e globo sonoro.
• Outras ideas.

Sempre podes buscar outras ideas en internet.

 Pezas para cantar ou tocar:

Déixovos neste recuncho musical algunhas cancións que fomos traballando ao longo do curso, por se vos apetece cantar ou tocar a frauta. Ireinas poñendo pouco a pouco, de maneira que cada día teñades máis. Alguhas teñen a versión de Karaoke e tratarei  tamén a poñer a letra dalgunas delas.

Se non queredes cantar estas, cantade outras. Cantar é moi divertido e pode entreternos cando esteamos aburridos, ademais é moi bo para o sistema respiratorio, traballamos a memoria e relaxa un montón. Disfrutade delas.