CEIP BERGANTIÑOS

Debido ás queixas producidas polas familias que acceden ao centro pola porta da piscina, o Equipo Directivo do centro, decidiu manter un único acceso de entrada e saída para todo o alumnado matriculado no colexio.
Este acceso farase polo portalón principal.

Estes cambios aplicaranse a partires do luns 19 de setembro.

ENTRADAS
Ás 09.40h
Accederá todo o alumnado matriculado no centro educativo, polo portalón principal.

Os grupos-aula que facían filas seguiranas facendo nos lugares adxudicados para os mesmos, coa única diferenza de que o alumnado de 1º, 2º e 6º de EP deberá bordear o edificio para poder chegar ao pavillón e patio cuberto, lugares onde realizan as súas filas.

SAÍDAS: Educación Infantil
Sairán polo portalón principal.Un familiar de cada neno/a de Ed. Infantilpoderá entrar ao recinto para a súa recollida.As saídas faranse de xeito gradual, nas
seguintes franxas horarias:

4º de EI (3 anos): Ás 14.20h
5º de EI (4 anos): Entre as 14.30h e 14.35h
6º de EI (5 anos): Entre as 14.35h e 14.40h

SAÍDAS: Educación Primaria
Sairán todos/as polo portalón principal.As saídas faranse de xeito escalonado, paraevitar aglomeracións, nas seguintes franxashorarias:
1º, 2º e 3º de EP: Entre as 14.30h e 14.35h
4º e 5ºde EP: Entre as 14.35h e 14.40h
6ºde EP: Ás 14.40h

Podedes ver nesta publicación, como documento adxunto, unha publicación cunha presentación en diapositivas, indicando estes cambios.

Esperamos que con estes cambios, as entradas e saídas sexan o máis fluídas posíbeis.

Un saúdo,

O equipo directivo.

Boa tarde.

Veñen de publicarse as Instrucións conxuntasdo 5 de setembro de 2022da Consellería de Cultura, Educación, Formación Profesional e Universidade e da Consellería de Sanidade ao respecto da recomendacións xerais para a xestión da Covid-19 no ámbito educativo no curso 2022-2023.

As recomendacións son as seguintes:

- Realizaranse tarefas de ventilación cruzada frecuente nas instalacións.

- Promoverase o lavado de mans regular.

- A máscara utilizarase no transporte escolar.

- Recoméndase o uso da máscara:
•A persoas que presenten síntomas compatibles coa Covid -19.
•A persoas con criterios de vulnerabilidade, especialmente en situacións de alta incidencia comunitaria.
•A persoas que presenten sintomatoloxía respiratoria, con ou sen sospeita de Covid-19.

Podedes ver o documento no arquivo adxunto.

Un saúdo,

O equipo directivo.

Bo día.

Adxuntamos presentación en PDF (ver documento adxunto) sobre o inicio do curso escolar 2022-2023. Este dará comezo o vindeiro xoves 8 de setembro, en horario de 09.40h a 14.40h, para todo o alumnado matriculado, excepto os nenos e nenas de 4º de EI, que estarán a desenvolver o período de adaptación.

Ao longo destes primeiros días non lectivos (do 1 ao 7 de setembro), os titores/as poranse en contacto convosco para informarvos con máis detalle do inicio e desenvolvemento das clases, ben con reunións presenciais, ou ben vía telefónica ou por ABALAR.

Así mesmo, aproveitamos para informar de que as listaxes dos diferentes grupos de Educación Infantil e Educación Primaria estarán colgadas no hall do centro educativo, para poder ser consultadas polas familias, a partires do luns 5 de setembro.

Debido ás reunións docentes que se desenvolverán o xoves 1 de setembro, as familias que teñen pendente a recollida de vales de material e de libros, poderán pasar polo centro a recollelos, a partires do venres 2 de setembro.

Un saúdo cordial.

O equipo directivo.

No seguinte vídeo podedes ver  ao alumnado de Educación Primaria  realizando unha coreografía dentro do proxecto "Móvete +", pertencente ao Plan Proxecta da Consellería de Cultura, Educación e Universidade, no que o noso centro participa desde hai uns anos.

Para ver o vídeo premede AQUÍ.

O pasado luns (25 de abril) e o venres (29 de abril) o alumnado de 2º e 6º de E.P., respectivamente, gozaron dos espectáculos musicais "A voar" e "Desconcerto". Estas actuacións musicais foron programadas polo Concello de Carballo dentro da celebración da XV edición da Semana do libro e a lectura. Aproveitando as mañás soleadas, os espectáculos puideron celebrarse ao aire libre.

Para ver fotos de ambos espectáculos premede AQUÍ