Skip to Content

Bibliobarqueira

Conmemoración da Constitución Española.

¿Cómo facer chegar ós máis pequenos/as unha temática tan complexa coma a da Constitución ESpañola?

Pois ben, cunhas auténticas eleccións, e a idea clara dos seus dereitos e deberes. Así, publicado o censo do alumnado co CEIP da Barqueira, cada un dos nenos/as debía acudir o día sinalado a unha votación á Biblioteca do centro. Para isto, tiñan que presentar o carnet de lectores do cole frente a mesa electoral, formada por un presidente, un secretario e dous vogais. O tema a votar era un nome para a Biblioteca do centro. Así, finalizadas as votacións e tras o posterior reconto de votos por parte dos membros da mesa electoral, o novo nome para este espazo do centro será:

A COVA DOS CONTOS.

                                                                       

25N - Día da NON violencia de xénero

Como cada ano, no mes de Novembro, conmemórase o día da NON violencia de xénero. Unha xornada para reflexionar e tomar conciencia da situación que nos rodea.

Así, desde a Biblioteca do centro, levamos a cabo unha serie de actividades conxuntas, como o visionado dunha curtametraxe sobre a temátic,a e que posteriormente incitou os pequenos/as a debatir sobre unha realidade actual do máis preocupante e devastadora. Finalmente, cantamos e bailamos unha canción do grupo musical Amaral. 

 

Samaín e Magosto

Un ano máis, celebramos unha data que nos encanta, o Samaín e o Magosto.

Así, ó longo do día, e engalanados cos nosos máis terroríficos disfraces, fixemos unha grande cantidade de actividades.

Desde aquí, gustaríanos agradecer ás familias a súa participación e colaboración nesta celebración. ¡GRAZAS!

 

Leandro Lamas

Durante o mes de Outubro, tivemos a grande fortuna de recibir no cole ó pintor Naronés Leandro Lamas.

Por isto, e desde a biblioteca do centro, traballamos a figura deste artista, que ademáis de realizar impresionantes cadros, ilustrou varios contos e libros infantís. 

Así, e despois dun grande estudo da súa figura, Leandro realizou cos nenos/as un obradoiro de pintura, no que a través dunhas pautas sinxelas, realizaron un cadro do máis impresionante.

A verdade é que o pasamos moi ben con él e aprendimos un montón de cousas, incluídos os máis maiores.

Desde aquí queremos darlle a Leandro un milleiro de grazas e esperamos que volvas a visitarnos moi pronto.

  
                                             

Distribuir contido


by Dr. Radut