Bibliobarqueira

O TRASNO TROULEIRO!

Como xa sabedes comezamos co concurso: Coñeces Cerdido?

Aquí tedes a primeira trasnada do Trasno Trouleiro!

A ver se averiguades onde se esconde...

MOITA SORTE

COÑECES CERDIDO?

Como xa sabedes, o Trasno Trouleiro proponnos un xogo para afondar no noso coñecemento sobre Cerdido, que durará todo o curso escolar.

Aquí tedes un resumo das normas do mesmo:

De vez en cando aparecerá no cole, na web e no facebook, unha foto do Trasno Trouleiro (xunto cun código QR), nun lugar do noso concello. A partir dela, teredes que averiguar que sitio é, e acompañados das vosas familias, atopala e sacarosunha foto ao lado da mesma. Se capturades o código QR que ten ao lado este lévanos a unha dirección web onde atoparedes información sobre o lugar.

O concurso consiste no seguinte:

-SE TRAEDES (OU MANDADES AO MAIL claustro.barqueira@gmail.com) A FOTO CO TRASNO NO LUGAR INDICADO: 1 PUNTO.

-SE TRAEDES A INFORMACIÓN QUE TEMOS NO BLOG QUE ATOPAREDES AO CAPTURAR O CÓDIGO QR: 2 PUNTOS.

-SE TRAEDES MÁIS INFORMACIÓN QUE BUSQUEDES POR VÓS MESMOS (BUSCANDO EN INTERNET, PREGUNTANDO AOS MAIORES DE CERDIDO, INDAGANDO NO CONCELLO…): 3 PUNTOS.

QUEN MÁIS PUNTOS OBTEÑA GAÑARÁ UN GRAN PREMIO AO REMATAR O CONCURSO.

ASÍ QUE ÁNIMO A TODOS E TODAS E MOITA SORTE!

Día de Europa

Empezamos un novo mes, e con el seguimos coas conmemoracións no noso centro. Así, o pasado Luns 9 de Maio, celebramos o día de Europa, para o cal era moi necesario saber primeiro: "¿Qué é Europa?". Porén, os máis maiores do cole, deron unha auténtica clase maxistral de xeográfica (¡¡¡Moi ben polos seus mestres/as!!!!) e, así, observamos nunha curtametraxe todo o que os nosos "compis" nos acababan de ensinar. Máis tarde, cantamos entre todos/as unha canción relacionada co tema e decoramos a bandeira da Unión Europea.

Semana do libro. Premios Concurso contos Cerdido e actuación musical

A semana do libro deu moito de si, xa que ademáis da Feira do libro, os apadriñamentos lectores, a visita de Ánxela Loureiro e diversas actividades a nivel aula, tivemos a sorte de asistir a unha actuación musical a cargo de "La guagua", a cal tiña como tema central a importancia da lectura. Igualmente, foi o día que coñecemos ós diversos gañadores do Concurso de contos de Cerdido. Ademáis, tivemos un montón de regalos da man do Concello, ¡¡¡MOITAS GRAZAS!!!!!

Así, tivemos diversos gañadores por aula. ¡¡¡NORABOA A TODOS/AS!!!!

5º e 6º de Educación Primaria: Irene Rico García.

3º e 4º Educación Primaria: Samanta Luaces Serantes.

1º e 2º Educación Primaria: Enma Mourente Figueiras.

Educación Infantil: PREMIO COLECTIVO A TODA A CLASE.

Velaquí algunha proba do ben que o pasamos.

Semana do libro. Visita de Ánxela Loureiro

Inmersos de cheo na Semana do libro, recibimos no noso centro a visita de Ánxela Loureiro, unha escritora do máis polifacética que inicia a súa andaina como escritora de teatro infantil. Máis tarde, aínda que continúa escribindo obras deste xénero, algunhas becadas pola Consellería de Cultura, a súa creatividade espallouna a outros xéneros como a poesía ou a novela.

A poesía, sempre vencellada á música, pois é autora de numerosas cancións polas que acadou varios premios no concurso Cantareliña e colaborou en diferentes publicacións e discos.

Estes últimos anos mergullouse no mundo do cine para o que escribiu varios guións cinematográficos dirixidos á infancia.

A súa profesión de mestra fai que colabore con relatorios e obradoiros en diversos foros educativos, que escriba artigos en revistas de carácter didáctico, que participe na elaboración de libros de texto ou que publique libros para o profesorado.

¡¡¡¡¡CASE NADA!!!!!!

Pois nós, tivemos o grande placer de disfrutar dela o pasado mes de Abril. Velaquí algunha mostra: