No presente curso iniciamos o noso compromiso para facer máis saudábeis as nosas merendas co fomento do consumo de froita. E como podedes ver gustou moito, mmm..., qué rica!!
Nestes últimos días de clase, e como despedida de fin de curso o alumnado de 1º e 2º curso, acompañados polo seu titor e mestras, desfrutaron dunha saída á área recreativa da "Presa do Val"
Durante o mes de Maio celebramos o mes das Letras Galegas, este ano adicado á poeta e editora Xela Arias.
Celebrámolo coa lectura dalgúns dos capítulos do seu libro titulado: Non te amola!, un libro inédito da autora, por ser este en prosa e porque narra aspectos da súa propia vida cando era unha nena de nove anos.
Ademáis fixemos uns obradoiros de poesía para o alumnado dende 4º a 6º curso, organizados en colaboración coa AELG (Asociación de escritores e escritoras en lingua galega), e impartidos presencialmente en cada aula pola escritora e xornalista Andrea Barreira baixo o título: "Cada día, a familia".
Ademáis o alumnado de Infantil, 1º e 2º fixeron uns debuxos alusivos á homenaxe, e os de 5º e 6º curso uns marcapáxinas conmemorativos, de diseño propio, coa impresora 3D.