Xeralidades

Especificacións relevantes correspondentes á distribución para os equipos que se encontran no marco do Proxecto Abalar.

A maqueta encóntrase construída a partir dun sistema GNU/Linux distribución Debian 8.7 Codename Jessie

Versión estable
Asegura unha continuidade
Mellora o mantemento

Construída sobre un kernel estándar de kernel.org, versión 4.9.0-0-686-pae. Manter o kernel liberado por Debian, ten as seguintes vantaxes sobre o último dispoñible:

Ofrece estabilidade no núcleo do sistema
Compatibilidade co hardware do proxecto, xa que foi testeado co devandito kernel

sistema operativo

Empregando a consola para saber a distribución e e a arquitectura do sistema operativo

Retroalimentación

Podemos obter a mesma información do apartado anterior escribindo comandos directamente na consola (emulador de terminal).

Para o caso que nos ocupa, para coñecer a distribución e versión do sistema operativo escribiremos:

lsb_release -a

E o sistema devolverá a información solicitada.

Para coñecer a arquitectura do sistema operativo, escribiremos:

uname -m

uname

E por que debemos empregar estes comandos no emulador de terminal?

O obxectivo do presente material é familiarizarse co uso da consola pois, como xa se indicou con anterioridade, pode ser preciso ou de interese para manter o equipo operativo e actualizado.

Este curso non pretende ser un curso de administradores de Debian.

Simplemente ilustra exemplos de emprego da consola para perder o medo a empregala.

TRUCOS PARA ESCRIBIR NO TERMINAL

Retroalimentación

Cando abrimos un terminal existen dúas opcións moi interesantes a ter en conta:

Coa tecla do cursor "hacia arriba" podemos recuperar sucesivamente desde o máis recente ata os menos recentes os diferentes comandos que fomos executando con anterioridade sen necesidade de volver a teclealos.
Co tabulador podemos ir completando as rutas ou os comandos de xeito sinxelo, pois o propio sistema vai autocompletando a medida que imos escribindo.
- Por exemplo, se escribimos "lsb_" e a continuación pulsamos o tabulador automaticamente se completa o comando: lsb_release.
- Por outra banda, se ao introducir o comezo dun comando e pulsar tabulador non aparece nada deberemos pulsar novamente o tabulador para que o sistema nos informe das diferentes posibilidades. (O sistema non pode autocompletar o comando se existe máis dunha posibilidade ou simplemente non existe). Por exemplo, escribir no terminal "lsb" e pulsar tabulador unha vez. Observamos que non acontece nada... Pero se pulsamos o tabulador novamente o sistema suxire dúas posibilidades: lsblk e lsb_release.

Sabías que...

« Anterior | Seguinte »