Actualizacións vía Wifi abalar.
Esta xestión realízase coa ferramenta “puppet”
O papel que cada nivel xoga na estrutura xeral é o seguinte:
- Servidores corporativos situados nas dependencias da Consellería de Educación. Servidor central de “puppet”. Nel introdúcense as modificacións (clases) que, posteriormente e de xeito automatizado, serán enviadas ós servidores dos centros educativos.
- Servidor de Centro Educativo Dixital situados en cada un dos centros educativos participantes no proxecto. Posúe as modificacións das clases que recibirán os equipos clientes unha vez vinculados.
- Equipos clientes ultraportátiles e portátiles de profesor. De xeito aleatorio para non sobrecargar a rede de datos, comunícanse co Servidor CED e actualízanse de xeito automático. O proceso é transparente para o usuario.
Neste proceso cobra gran importancia a estrutura de asesoramento asociada ás posibilidades de uso das TIC que proporcionan as maquetas finais.
O sistema dos clientes
As maquetas de software están deseñadas para estar totalmente integradas na estrutura de xestión centralizada de software. A instalación realízase case por completo coa ferramenta “puppet”, o que permite ter o control total de tódolos paquetes que se instalan. Dispoñemos dunha orde de maquetas que facilitan o traballo de actualización do software.
Como funciona este sistema?
Cada certo tempo os equipos conéctanse ao servidor do centro e compróbase se hai actualizacións pendentes. O proceso é automático e transparente para o usuario e non require da súa intervención. Ademais introdúcese un valor aleatorio de xeito que os equipos non se actualizan todos ao mesmo tempo para non interferir no normal funcionamento da aula.
A primeira vez que un equipo (cliente Puppet) se conecta co seu servidor, este crea un vínculo entre o servidor e o cliente, por medio dunha clave e que lle serve a este para identificarse co servidor en adiante.
As sucesivas veces que o equipo se conecta co servidor Puppet, este o identifica e sabe que actualizacións lle faltan e entón procede a enviarllas.
Obra publicada con Licencia Creative Commons Reconocimiento No comercial Compartir igual 3.0