Nova Escola Galega organiza, os vindeiros 20 e 21 de febreiro de 2015 no CPI Plurilingüe de Vedra (A Coruña), o VI Seminario-Obradoiro Internacional de Avaliación de materiais didácticos. Trátase dunha actividade con distintos modelos de avaliación de recursos educativos dirixidos aos distintos ámbitos de ensino no que se ofrecen ferramentas de acción para que o profesorado utilice no mesmo momento de realizar esta actividade formativa, cuestionando os propios materiais e o uso que se deriva da súa práctica reflexiva nas aulas. O seu carácter innovador e emprendedor son unha necesidade formativa para a/o docente actual. 

Os obxectivos de avaliación que se propoñen son: 

- Coñecer e usar guías de avaliación de materiais educativos.

- Avaliar os materiais didácticos a través de distintos modelos de avaliación.

- Tomar decisións construtivas respecto dos materiais educativos no propio contexto.

- Valorar os recursos educativos das principais editoriais para considerar a súa utilidade nas aulas. 

O seminario combina sesións teóricas, que servirán para situar a cuestión da avaliación no conxunto da toma de decisión en función dos recursos dispoñibles,  con obradoiros de modalidade rotatoria nas que o asistente pode achegar materiais propios.

Máis información AQUÍ