IES O MOSTEIRÓN

Novos protocolos de xetión epidemiolóxica en centros educativos, publicados polo Ministerio de Sanidade.

Destacamos a continuación os aspectos principais a ter en conta:

• As persoas da comunidade educativa que sexan caso confirmado deberán permanecer 7 días en illamento. Pasado ese tempo, e sempre que non tivera síntomas durante cando menos os 3 últimos días, poderá incorporarse ao centro, mantendo unha vixilancia activa sobre a aparición de posibles síntomas ata completar polo menos 10 días desde o inicio di illamento.
• Nin o alumnado, nin o persoal do centro, en ningún caso require proba algunha para a reincorporación ao centro.
• Os autotest non requirirán dunha proba complementaria para confirmar o caso.
• A definición de contacto estreito non variou: persoa que pasa máis de 15 minutos a menos de 2m dun caso positivo ata as 48h antes da consideración de inicio da enfermidade (inicio de síntomas ou toma de mostra para proba diagnóstica) sen uso axeitado de medidas de protección (máscara).
• O persoal docente e non docente, así como o alumnado de 12 ou máis anos que teña a consideración de contacto estreito, seguirá as indicacións de corentena que se propoñen para a poboación xeral de acordo á Adaptación da Estratexia de detección precoz, vixilancia e control, publicada o día 30 de decembro de 2021. Así, as persoas con pauta vacinal completa, salvo as excepcións previstas no documento citado, non terán que facer corentena.
• Ante a agrupación de casos (5 ou máis casos confirmados de infección activa), seguiranse as pautas xerais para a determinación das corentenas dos contactos estreitos. Esta corentena será de 7 días desde o inicio de síntomas do último caso confirmado (sempre que non se desenvolvan síntomas durante este período)

Propuesta de refuerzo y adaptación de las medidas de prevención COVID-19 en centros educativos y centros universitarios para el reinicio de la actividad presencial en enero de 2022

Adaptación de la guía de actuación ante la aparición de casos de COVID-19 en centros educativos a un contexto de alta circulación de virus SARS-CoV-2 0

Adapatación de la estrategia de detección precoz, vigilancia y control de COVID-19 en período de alta transmisión comunitaria.

As Probas de Acreditación de Lingua Inglesa (Trinity College London) celebraranse os días 15 e 17 de decembro de 2021.

A proba oral, terá lugar o 15 de decembro no IES Isaac Díaz Pardo na aula de usos múltiples. O alumnado ten que estar no centro ás 15:00h.

O alumnado usuario de comedor escolar comerá ás 13:15h e, posteriormente, desprazarase ao IES Issac Diaz Pardo en transporte, acompañado por profesorado do departamento de Inglés e pola directora do IES O Mosteirón. O alumnado que non é usuario de comedor escolar debe ser trasladado ao IES Isaac Díaz Pardo pola súa familia.

As Probas de speaking e listening terán lugar o venres 17 de decembro, nas sala de reunión de pais/nais do IES O Mosteirón. Cada alumno/a ten xaa súa convocatoria por escrito do día e a hora que lle corresponde examinarse.

A Consellería financia a totalidade das probas de lingua inglesa que foron solicitadas polo centro. 

Lembrade traer a memoria USB cos vosos datos completados e o topic preparado para o oral. Tedes que presentar o DNI en cada unha das probas.

-Luisa Mª Vázquez Seoane.

-Mª Sonia Presa Barros.

Orde do 28 de outubro de 2021 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería, así como en centros privados concertados no curso 2021/22 (código de procedemento ED330E). Diario Oficial de Galicia nº 218, do 12.11.2021.

Alumnado destinatario:

Alumnado matriculado en educación primaria, educación secundaria obrigatoria e educación especial:
a) Non ten que presentar solicitude:
O alumnado beneficiario da axuda de material escolar no curso 2021-2022.
b) Ten que presentar solicitude:
O alumnado que non foi beneficiario da axuda de material escolar no curso 2021-2022 que cumpra algunha das seguintes condicións:

• Que pertenza a unha familia cunha renda per cápita igual ou inferior a 6.000 €.
• Alumnado matriculado en educación especial.
• Alumnado suxeito a tutela ou garda da Xunta de Galicia.
• Alumnado cun grao de discapacidade igual ou superior ao 65%.

Solicitudes (só para alumnado non beneficiario da axuda de material escolar):

• Forma de presentación da solicitude: Unicamente de forma presencial no centro educativo no que estea matriculado o/a alumno/a.

• Prazo:

1. Para o alumnado matriculado no centro no día de publicación da orde no Diario Oficial de Galicia: 10 días hábiles a partir do seguinte á publicación no Diario Oficial de Galicia, é dicir, do 15 ao 26 de novembro de 2021.

2. Para o alumnado que, unha vez transcorrido o prazo indicado, pase a estar en situación de tutela ou garda da Xunta de Galicia, ou se incorpore a un centro docente público titularidade da consellería ou a un privado concertado procedente de fóra de Galicia ou dun centro situado en Galicia pero non sostido con fondos públicos, a solicitude de máscaras poderase presentar no mesmo prazo que a solicitude de libros e material escolar, é dicir, (1) mes contado a partir do día seguinte á formalización da matrícula.

3. As solicitudes de máscaras para o alumnado indicado no apartado anterior que se incorporen ao centro despois do 31 de marzo de 2022 (prazo límite de solicitude de libros e material), poderán tramitarse ata a finalización do curso escolar.

Publícase o calendario das eleccións ao Consello Escolar así como as convocatorias dos sectores a renovar.

De conformidade co establecido na resolución do 20 de setembro de 2021 da Dirección Xeral de Educación e Formación profesional da Consellería de Cultura, Educación e Universidade (DOG do 29/9), realizarase proximamente neste centro a renovación do CONSELLO ESCOLAR que é o instrumento de participación na vida escolar de todos os sectores educativos do centro.

A organización e a supervisión do procedemento de elección dos novos membros do CE estará a cargo da Xunta electoral que se constituirá ao efecto, e integrada por:

-Directora.

-Profesor/a.

-Pai, nai ou titor legal.

-Un alumno/a.

-Un representante do persoal de administración e servizos.

Os catro últimos serán designados por sorteo segundo estableca o artigo 30 do Decreto 92/1988, do 28 de abril, redactado conforme ao establecido na disposición adicional primeira do Decreto 324/1996, do 26 de xullo (DOG do 9 de agosto). Dito sorteo, que será público e no que se preverá a designación de membros suplentes, celebrarase neste centro o próximo día 25 de outubro, ás 12:10horas.