CURSO 2023/2024

O EDLG, capitaneado por Ana Isabel Martínez Fernández, puxo en marcha a campaña "Aquí tamén se fala" desenvolvida en múltiples centros escolares de Galicia no curso 2023/2024. Esta foi a contribución desde o IES Monte das Moas: as alumnas e alumnos da ESO e de Bacharelato convertéronse en dinamizador@s lingüístic@s dos barrios do Castrillón, dos Castros, da Gaiteira e de Eirís e contaron coa amabilidade e participación de moit@s traballador@s do comercio local da nosa contorna.

Velaquí tedes o vídeo final da Campaña "Aquí tamén se fala". Tamén vos deixamos os vídeos que amabelmente enviaron persoas coñecidas da nosa cidade e do panorama cultural galego: muralistas como Raquel Xermade, escritores do barrio como Carlos Meixide, actores como Federico Pérez, músicos como Brais Morán, Xoán Curiel, Aida Saco Beiroa, Ugia Pedreira ou a nosa rapazada e canteira da música tradicional de Donaire, xornalistas de Radio Marca ou profesoras universitarias como Leticia Eirín, ex alumna de Moas, todos eles e elas quixeron enviar o seu apoio á campaña respondendo á petición que se lles fixo desde o EDLG de Moas.

Se queredes máis información sobre a campaña tedes esta información no Blog da Biblioteca.

Na tarde do luns 20 de maio de 2024  parte do alumnado de 1º de Bacharelato realizou un roteiro polas rúas da Coruña en relación coa escritora e música Luísa Villalta (autora a quen se adicou o Día das Letras Galegas 2024). O roteiro estivo organizado pola nosa compañeira do EDLG e do Departamento de Lingua Galega e Literatura Ana Isabel Martínez Fernández. O roteiro `pasou por diferentes puntos da cidade importantes na vida desta autora e rematou nunha imprenta da Avenida de Navarra, onde o alumnado participante puido aprender en vivo como se produce o proceso de impresión. 

O venres 7 de xuño de 2024 o noso excelente grupo instrumental, Dijo Cuatro, acudiu ao Centro Ágora da Coruña para desenvolver unha actividade musical consistente en dúas actuacións interpretando a Ópera “A frauta máxica” de Mozart, nun proxecto musical realizado en colaboración co CEIP Emilia Pardo Bazán da Coruña e vinculado ao Contrato-Programa de EduExcelencia.

No curso 2023-2024 Dijo Cuatro, magnificamente dirixido e cooordinado polo noso compañeiro Juan José Dios Cañada, tivo a seguinte formación: Tomás Fernández Antezana, 3º ESO B, Amanda López Puñal, 2º ESO C, Alberte Díaz Kirk, 2º BACH A, Carmen López Bocija, 2º ESO C, Manuel Maceiras Ferreira, 4º ESO B, Icía Agrafojo Azpilicueta, 3º ESO B, Candela López Puñal, 4º ESO C, Izan Iglesias Callón, 2º ESO C, Alejandro Rodeiro Iglesias, 3º ESO B, Paula Rodeiro Iglesias, 1º BACH C, Renata Pía Rial, 4º ESO D, e Adrián López Bocija, 4º ESO A.

O martes 4 de xuño de 2024 o alumnado de 3º de ESO realizou un sendeirismo, organizado polos Departamentos de Educación Física e de Bioloxía e Xeoloxía, seguindo o Roteiro que transcorre entre Caión e Baldaio. No transcurso do sendeirismo seguiron as explicacións do profesorado acompañante e respostaron por grupos a unha breve actividade sobre o que observaron e lles explicaron en relación coa natureza que viviron neste roteiro.

O venres 3 de maio de 2024 o alumnado de 1º de Bacharelato realizou un sendeirismo, organizado polos Departamentos de Educación Física e de Bioloxía e Xeoloxía, seguindo o Roteiro da Ventureira nas Fragas do Eume.