Educación emocional e comunicación positiva, ferramentas para a igualdade
Deixamos nesta entrada algunhas das actividades desenvolvidas nas materias de Comunicación oral e escrita en 1º e 2º ESO. O enfoque metodolóxico destas materias xira ao redor da comunicación emocional e as estratexias de mediación e resolución dialogada de conflitos. Poñer nome non só ás propias experiencias subxectivas, senón tamén as dinámicas nas relacións entre iguais, en pequeno e gran grupo, supón unha aprendizaxe imprescindible para cuestionar os roles de xénero. Esta afirmación é especialmente certa no caso dos nenos, xa que é na entrada na adolescencia cando a prohibición de expresar a maioría das emocións para os varóns se recrudece; xaora, o feito de que sexa un profesor - pertencente ao grupo de Igualdade- quen imparta estes contidos reforza sen dúbida enormemente a capacidade de "conectar" cos alumnos.
Deixamos aquí un exemplo da actividade "Pasapalabras emocional" , algunhas fotos da actividade Esculturas emocionais e do Bazar emocional.
No adxunto podedes atopar unha descripción das actividades desenvolvidas ao longo do curso nestes obradoiros de 1º e 2º ESO, así coma o Xornal do Fontexería- realizado desde esta materia no último trimestre- onde se reflicte claramente a importancia concedida á comunicación emocional positiva como base para unha boa vivencia e convivencia.
Adxuntamos tamén as sesións de aula nas que se realizou a preparación do "Pasapalabras emocional" para exemplificar o xeito de enfocar o obradoiro buscando promover a autonomía do alumnado no deseño do produto final.
Profesor responsable: Manuel Verdes
Adxunto | Tamaño |
---|---|
Comunicación emocional.pdf | 358.73 KB |
Xornal do Fontexería.pdf | 1.08 MB |
pasapalabra1.pdf | 865.03 KB |
pasapalabras2.pdf | 526.34 KB |
pasapalabras3.pdf | 611.29 KB |
pasapalabra4.pdf | 543.42 KB |
pasapalabra5.pdf | 535.39 KB |
pasapalabras6.pdf | 562.69 KB |