COMUNICACIÓN POSITIVA

Entre os propósitos de curso novo (2017-2018) temos poñer en marcha o proxecto "Conta comigo", de titorización de alumnado de 1º ESO por parte de alumnado de 3º ESO. Como preparación para este proxecto, traballamos coas titorías de 2º ESO, a finais de curso, diversas dinámicas de comunicación en positivo, técnicas de resolución de conflitos,mediación.

Traballamos "A técnica do Grupo de Apoio no marco da Convivencia Escolar", con ideas estraídas de libros como "Sentirse bien", de David Burns ou "El buentrato como proyecto de vida ", de Fina Sanz. Botamos andar unha andaina nova que, pola acollida entre o alumnado participante, e as características do noso centro, promete ser froitosa.