Unha vez chegados a clase e presentada a normativa ao alumnado (antes da utilización por primeira vez dos ordenadores), démonos conta de que era excesivamente exhaustiva e pouco práctica para a aula. Xurdiu entón a idea de crear un documento novo que resumise (pero non invalidase) a normativa xeral de utilización. Pretendíamos compendiar todo en dez puntos esenciais pero, alongousenos un pouco. De aí o nome que lle puxemos "Decálogo + 1".
