Proxectos de innovación educativa

 MINISTERIO DE EDUCACIÓN

 

“Como falar cun adolescente e non desfalecer no intento. Pautas para pais e nais”

O Servizo de Prevención de condutas aditivas da agrupación de concellos de Begonte, Castro de Rei, Friol, Outeiro de Rei e Rábade,en colaboración co IES Terra Chá, convocan ás familias a participar nun taller formativo impartido polo Centro Psicopedagóxico CREA, composto por 2 sesións presencias destinadas a reflexionar sobre a influenza das nosas formas de comunicación así como a mellora das mesmas a través de»

Premiado o proxecto Fitofaladoiro no Certame da Terra Chá - Xermolos

O proxecto Fitofaladoiro, desenvolto no noso centro dentro do Plan Proxecta, recibiu de novo un premio no Certame da Terra Chá organizado polo Colectivo

Plan Proxecta

Ao longo do presente curso realizáronse no noso centros dous proxectos enmarcados no Plan Proxecta: " Por 365 días de respecto e igualdade" e "Quérote +"

Con estes programas tratouse de concienciar ao alumnado sobre o respecto á diversidade sexual e de xénero e tamén sobre a igualdade entre homes e mulleres sensibilizándoos na prevención da violencia de xénero.

Para desenvolver estes programas leváronse a cabo varias actividades, xogos, exposicións gráficas, charlas, debates, obradoiros ... das cales amosamos unhas imaxes.

Exposición gráfica Cartas de Amor

O IES da Terra Chá acolle a exposición Cartas de Amor, 15 artistas contra a violencia de xénero no hall do centro. 

Oferta de Ciclos Formativos para o curso académico 2018-19

O IES da Terra Chá amplía a súa oferta de ciclos formativos para o vindeiro curso académico 2018-2019. Así, ademáis da Formación Profesional Básica en Actividades Agropecuarias, súmase o Ciclo Medio de Técnico en Aproveitamentos e Conservación do Medio Natural e continúa o Ciclo Superior en Xestión Forestal e do Medio Natural. 

Para máis información sobre a oferta formativa pódese descargar o folleto informativo no seguinte enlace: LINK

Ilustracións de botánica e Autorretratos

No marco do proxecto Fitofaladoiro, o alumnado de Debuxo Artístico dirixidos pola súa profesora Pilar Pavón, expoñen unha escolma do seu traballo con ilustracións sobre árbores autóctonas de Galicia e os autorretratos do alumnado. Esta exposición permanecerá no centro ata final de curso. Animamos á comunidade educativa a que veña coñecer o talento dos novos creadores da comarca. Parabéns a tod@s pola calidade e sensibilidade artística.

Mes do Libro no IES da Terra Chá

Hoxe 23 de Abril celebramos o mes do libro. Desde o Equipo de Biblioteca lánzanse varias propostas para celebrar durante todo un mes a importancia dos libros na nosa vida. Achégate á biblioteca e colle algún dos libros que presentamos como novidades, ou participa nos concursos de selfies con libros e de adiviñas Which is which?

Entre iguais: xornada de reflexión sobre o respeto á diversidade

O pasado 23 de marzo o IES acolleu unha xornada de reflexión sobre a diversidade sexual, organizada a petición do alumnado, na que participaron o músico Davide Salvado, o bailarín e traballador social Daniel Pardo e a psicóloga Ángeles Amor. En paralelo, proxectáronse os films Fucking Amal e a Chica Danesa, así como houbo unha charla sobre violencia de xénero enmarcada no proxecto 365 pola igualdade do Plan Proxecta. 

Premio Proxecto de Inclusión da profesora do IES da Terra Chá, Sharay Astariz

Parabéns á profesora Sharay Astariz Núñez polo premio outorgado pola Fundación Jose María Jove e Indaga, ó seu traballo de educación inclusiva titulado: "Aula de matemáticas: unha ventá para o mundo". 

https://www.elprogreso.es/articulo/a-chaira/profesora-ies-terra-cha-gana-premio-proyecto-inclusion/201803101351561300067.html

 

8 de Marzo Día Internacional da muller

O equipo da Biblioteca en colaboración co alumnado de 3 ESO presenta unha escolma de libros sobre mullleres na conmemoración do Día Internacional da Muller. Ó mesmo tempo faise unha pequena homenaxe de lembranza ó recentemente finado Forges, quen reinvindicou a importancia da muller na sociedade e a necesidade de avanzar na consecución dunha igualdade real.

 

Distribuir contido

Eventos

« Outubro 2021 »
LunMarMérXovVenSábDom
123
45678910
11121314151617
18192021222324
25262728293031

PORTAL EDUCATIVO

Espazo ABALAR

 

 

CONTRATOS PROGRAMA

 

FORMACIÓN PROFESIONAL

PATIOS DINÁMICOS

Equipo de Normalización e Dinamización Lingüística

Convivencia e Mediación

Fitofaladoiro

 

FITOFALADOIRO

REDES SOCIAIS


 

 

INSTAGRAM DA BIBLIOTECA

 

 INSTAGRAM DE ORIENTACIÓN

 

BLOG EDNL