Alumnado, profesorado e persoal non docente, todos se contaxiaron do ambiente festivo do entroido no IES O Couto. O equipo de biblioteca non podía ser menos e participou na festa de disfraces.
Dende o 29 de Outubro e durante unha semana, a biblioteca permaneceu decorada con motivos alusivos ao Samaín . Os libros e as películas de medo foron os protagonistas.
Nas primeiras semanas do curso, o alumnado de 1º de ESO, tivo a oportunidade de coñecer as normas de uso da biblioteca e viu varios videos: organización, e-book e animación á lectura.
O 30 de Xaneiro celebramos o día internacional da paz e a non violencia e, como queremos que non sexa só a flor dun día, o recordo desa data está aínda hoxe presente no noso centro.