Tecnoloxía

O alumnado de 2º ESO participa no CIS Tecnoloxía e Deseño de Ferrol no Programa D'tec o martes 18-6-24 de 09:20 a 17:00 horas.

Trátase dunha xornada de innovación que inclúe:

1º.- A participación nun reto grupal, con formato de escape room, no que traballarán contidos sobre innovación e a importancia do traballo en equipo. Deberán intentar resolver un conxunto de desafíos que lles permitan atopar todas as claves necesarias para abrir unha caixa. Para levalo a cabo contarán coa axuda dun chatbor online polo que é aconsellable que o alumnado dispoña dos seus teléfonos móviles ou, como mínimo dun dispositivo cada 3 alumnas/os.

2º.- O espectáculo Innovando a hombros de xigantes, propón un percorrido por momentos clave da evolución cintífico tecnolóxica desde os seus inicios hasta a actualidade: o lume, a palanca, a química moderna, a electricidade, a presión, o azar, a radioactividade, a ciencia médica e a chegada da IA.

A actividade está organizada polo departamento de Tecnoloxía.

O alumnado de 2º ESO e 3º PDC realiza dous talleres D'tec o martes 25-4-23 de 08:30 a 17:00 horas.

1- Taller D´tec Market lab. Deseño de produto: exploran o traballo de laboratorio de química mentres desenvolven dous produtos cosméticos: bomba de baño e crema hidratante.

2- Taller D´tec Instagram AR: aproximación práctica ao uso da Realidade Aumentada (AR) a través da aplicación Spark que permite o desenvolvemento de contidos aumentados para a rede social Instagram. 

A actividade está organizada polo departamento de Tecnoloxía.

O alumnado de 3º ESO e 3º PMAR realiza, o mércores 17-11-21 de 08:30 a 19:30 horas, unha visita ao Museo Nacional de Ciencia e Tecnología, en donde realizarán unha actividade, e participarán no XII Obradoiro Galego de Robótica, onde imparten formación sobre programación e robótica

O departamento de Tecnoloxía organiza un concurso de robótica para o alumnado de 1º Bacharelato que cursa dita materia. O concurso consta de dúas probas: siguelineas con obstáculos e sumo.

Proba siguelineas

Proba sumo

Gañadores do concurso

O alumnado de 1º de BAC participará na videoconferencia sobre o "Só a ciencia nos rescatará da pandemia" impartida por Sonia Villapol Salgado desde Houston (Texas) o luns 16 de novembro de 12:45 a 14 horas.

O alumnado de 3º ESO A e Ades ten un taller de elaboración de carteis o luns 16 de abril de 10:25 a 12:05 horas

O alumnado de 1º de BAC que cursa Robótica participa no II torneo de robótica da Escola Universitaria Politécnica de Ferrol o xoves 28-3-19 de 08:30 a 15:00 horas.

Hoxe foi o útlimo día de traballo no centro da nosa auxiliar de conversa, Suzzane Boretz. Os alumnos da sección bilingüe de tecnoloxía e a súa profe están moi agradecidos polo seu traballo, o seu interese e a súa actitude.

Foi un placer tela no centro este curso!! See you soon Suz!!

O 26 de abril de 10:45 a 12:30 horas o alumnado de 4º de ESO, de 1º e 2º de Bac de ciencias participa nunha actividade por streaming de vídeo con motivo da celebración do Día Internacional das Rapazas nas TIC.

O mércores 28-2-18 3 alumnas de 1º de BAC e 4 de 2º de BAC visitan ao alumnado de 1º, 2º e 3º de primaria do CEIP Manuel Fraga Iribarne de Cariño para realizar tres obradoiros sobre as mulleres na ciencia baixo o proxecto que están levando a cabo no colexio "Eu son científica", de 10:25 a 13:10 horas.

Realizan unha presentación e un kahoot, 3 experimentos relacionados coa ciencia e un reto de completar un circuito cun robot.

Foi unha experiencia moi moi positiva!! Moitas grazas ao colexio por organizar esta actividade e contar con nós!! E moitas grazas a Alba, Ainhoa, Eva, Carla, Sabela, Ángela, Ashley e Laura por ser unhas magníficas monitoras!!

E, como non, unha vez máis saímos na prensa. Podedes acceder ao artigo de La Voz de Galicia clicando aquí.

O alumnado de Ciclo e de 1º e 2º de BAC que cursan TIC I e TIC II realiza unha saída didáctica a Santiago de Compostela na que visitan o Centro de Supercomputación de Galicia o mércores 7 de febreiro de 08:30 a 18:00 horas

O mércores 24 de xaneiro de 2018 o alumnado de Ciclo, de 1º e 2º de BAC que cursan Física e Química, Tecnoloxía e TIC visitan o CIT e o Museo de Historia Natural de Ferrol de 09:30 a 17:00 horas.

Actividade dos departamentos de Tecnoloxía e Física e Química.

Visita a á fábrica de aeroxeradores de Norvento (Vilalba, Lugo) e a Alcoa (San Cibrao, Lugo).

Día: Xoves 28 de novembro de 2013. 

Grupos: 4º ESO, 1º e 2º BAC de Tecnoloxía e Física e Química. 

Horario: De 9:00 h a 19:00 h. 

Lugar: Vilalba e San Cibrao.