O pasado mércores 14 de xaneiro o alumnado de 1º e 2º da ESO, acompañados por profesorado dos Departamentos de Bioloxía e de Xeografía e Historia, desprazouse a Foz para participar na campaña escolar de divulgación da cultura e os recuros do mar “Un Mar de Cultura: Os nenos e o Mar”. Na actividade realizaron unha ruta ornitolóxica, visitaron o museo provincial do mar (San Ciprián) e coñeceron o traballo de Paco, o carpinteiro de ribeira da vila (única na Mariña Lucense).
