Avisos

 Estimadas familias:

A Xunta de Galicia vén de publicar no DOG a Orde do 27 de marzo de 2020, pola que se establecen axudas económicas para as familias de alumnado beneficiario de bolsas de comedor escolar, en concreto para aquelas familias ás que o comedor lle sale gratis ou a pagar un euro.

Esta axuda é de carácter temporal e debida á situación de suspensión do servizo de comedor. Con elas trátase de axudar economicamente a aquelas familias que durante este período se teñen que facer cargo dos gastos de alimentación dos seus fillos e fillas.

A axuda será de 2,50 euros por día para quenes teñen gratuidade total, e de 1,50 para quenes teñen que pagar 1 euro pola prestación do servizo. Estas cantidades abonaríanse na conta bancaria que indique a familia ao facer a solicitude.

Preséntase unha única solicitude por familia que incluirá á totalidade de fillos e fillas escolares. As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da xunta de Galicia (https://sede.xunta.gal). De tódolos xeitos, para aquelas familias que teñan dificultades para formalizar a solicitude por medios electrónicos, poderán solicitar á dirección desta escola que formalice a solicitude. Deste xeito, as familias que queiran que sexa a dirección do centro a que formule a solicitude, deberán mandar un correo electrónico, o antes posible, a eei.dunas.panxon@edu.xunta.es coa seguinte información: a) DNI da persoa respresentante legal do alumnado. b) Nome, apelidos e curso dos fillos/as. c) Número de conta bancaria onde quere recibir o aboamento da axuda.

Para calquera dúbida poñerse en contacto coa dirección da escola nos seguintes números de tlf: 986380120 e 665832640 así como na dirección de correo electrónico anterior.

Preme na ligazón para consultar a orde con toda a información.

ORDE do 27 de marzo de 2020 pola que se establecen as bases reguladoras das axudas de carácter directo ás familias do alumnado beneficiario de bolsas de comedor escolar nos centros públicos non universitarios xestionados por esta consellería durante a situación de suspensión do servizo de comedor como consecuencia do COVID-19, co levantamento dos prazos de suspensión do procedemento (código de procedemento ED601B).

Un saúdo.

Álvaro Bilbao ofrécenos este video, para que llo ensinedes aos vosos fillos menores de 6. Como ben nos indica: axudaralles a ter menos perrenchas relacionadas con saír á rúa. É normal que os nenos entre 2 e 6 anos teñan perrenchas. Nestas situacións axúdalles ter indicacións claras.

1. Ensinádelles o vídeo cando estean tranquilos para que o poidan procesar ben.

2. Podédesllo volver ensinar se volven repetir iso de que queren saír á rúa.

3. Sede comprensivos pero firmes. Podedes dicirlles frases como "Claro! Tes moitas ganas de saír á rúa, verdade? Enténdoche, pero non podemos saír.

4. Non deades moitas explicacións. A mellor forma que se pase a perrencha é dicilo un par de veces de forma breve e acougada e non insistir todo o intre co mesmo.

5. Relaxar outras normas da casa.

6. Dádelles  mooiiito afecto.

Digo o mesmo que  Alvaro Bilbao, espero que este vídeo axúdevos o máximo posible.

Ánimo e pensade que xa queda menos para que a corentena termine.

ESTIMADAS FAMILIAS, O PROFESORADO DESTA ESCOLA ESTÁ A ORGANIZARSE PARA PROGRAMAR ACTIVIDADES QUE SE PUBLICARÁN POR ESTE MEDIO PARA QUE AS FAMILIAS POIDADES LEVAR A CABO COAS CRIANZAS, DE XEITO VOLUNTARIO, MENTRES DURE ESTE PERÍODO DE PERMANENCIA NA CASA.

DEIXAMOS NO ARQUIVO ADXUNTO AS RECOMENDACIÓNS QUE PUBLICA A CONSELLERÍA A DÍA 3 DE MARZO DE 2020