Fornelos

Os alumnos e alumnas de primaria das escolas de Novás e Fornelos están levando a cabo un obradoiro sobre "Matemáticas danzadas" impartido por Mercedes Prieto, deste xeito aprenden conceptos matemáticos a través da danza.

Na quinta sesión que se levou a cabo na escola de Novás, os alumnos e alumnas, ademais de repasar os conceptos traballados nas sesións anteriores, traballaron diferentes conceptos a través das cancións "Abre a roda", "Hockey Pockey", "Os sete xestos", "Miriu Allá" ou "Centro ao centro", e tamén escribiron os números do 10 ó 1 e do 20 ó 11 en orde descendente e os números pares ata o 18.

Os alumnos e alumnas de primaria das escolas de Novás e Fornelos están levando a cabo un obradoiro sobre "Matemáticas danzadas" impartido por Mercedes Prieto, deste xeito aprenden conceptos matemáticos a través da danza.

Na quinta sesión que se levou a cabo na escola de Novás, os alumnos e alumnas, ademais de repasar os conceptos traballados nas sesións anteriores, traballaron, entre outras cousas, os diferentes agrupamentos empregando as sumas e restas, fixeron diferentes tipos de camiños (curvos e rectos), imitáronse os uns ós outros así como diferentes aspectos bailando o chotis.

Os alumnos de primaria das escolas de Novás e Fornelos están levando a cabo un obradoiro sobre "Matemáticas danzadas" impartido por Mercedes Prieto, deste xeito os alumnos aprenden conceptos matemáticos a través da danza.

Esta terceira sesión tivo lugar na escola de Novás e nela os alumnos e alumnas traballaron diferentes conceptos como dentro/fora, o concepto de volta, media volta e cuarto de volta, e diferentes actividades con tapóns traballando a roda, a curva aberta, pechada, ou a descomposición do número 6.   

Os alumnos de primaria das escolas de Novás e Fornelos están levando a cabo un obradoiro sobre "Matemáticas danzadas" impartido por Mercedes Prieto, deste xeito os alumnos aprenden conceptos matemáticos a través da danza.

Nesta primeira sesión levada a cabo na escola de Fornelos, os alumnos presentáronse facendo un xogo cun novelo de lá e traballaron algunhas figuras como os triángulos, cuadriláteros, pentágonos... aproveitando a arañeira que formaron co novelo. Logo desto, fixeron diferentes xogos onde os nenos andaban, saltaban, bailaban... seguindo as ordes de Mercedes.