Skip to Content

Couso

Día das Letras Galegas - Maio 2019

17/05/2019 09:00
17/05/2019 14:00

Nas diferentes aulas do CRA conmemoramos o Día das Letras Galegas que este ano estaba adicado a Antón Fraguas. Para elo, levamos a cabo diferentes actividades como o repaso da vida e obra, actividades co escornabot e xogos nas PDIs. 

Día do Libro en Pías - Maio 2019

03/05/2019 09:00
03/05/2019 14:00

O pasado 3 de Maio todo o alumnado do CRA desprazouse a Pías para celebrar o Día do Libro. Para elo organizamos diferentes recunchos por todo o colexio:

- Recuncho de Braille. O alumnado elaborou o seu nome en Braille con diferentes materiais tactiles.

- Recuncho de reciclaxe: O alumnado experimentou as técnicas básicas do reciclado de papel. Ademais tamén decoraron a súa propia mochila de tea para concienciar sobre a importancia da eliminación doutros materiais contaminantes.

- Recuncho ExpresArte. O alumnado creaba unha lámina usando moitas cores, despois cubríaa de negro e por último rasgaba para facer un debuxo multicor.

- Recuncho STEAM. O alumnado tivo que darlle á cabeciña para buscar solucións a diferentes retos que se lle propoñían.

- Recuncho de xogos manipulativos. O alumnado experimentou con diferentes xogos de procesos cognitivos, lóxica, linguaxe...

- Recuncho de igualdade e robótica. A través da curtametraxe sobre igualdade "Purl", o alumnado traballou o contido da mesma a través de diferentes taboleiros para os Escornabots e Ozobot.

Teatro "A toupiña que quería saber quen lle fixera aquilo na cabeza" - Abril 2019

30/04/2019 09:00
30/04/2019 14:00

Hoxe o alumnado do noso CRA desprazouse ó auditorio de Tomiño para desfrutar dunha sesión de teatro do conto de "A toupiña que quería saber quen lle fixera aquilo na cabeza", representada pola compañia de teatro "A xanela do Maxín".

Actividades con Escornabots - Abril 2019

10/04/2019 13:44
10/04/2019 13:44

Nas aulas do noso CRA contamos con un novo amigo, en cada unha haberá un escornabot cos que faremos diferentes actividades ó longo do curso. Ademais, na biblioteca tamén haberá un, para que o alumnado que a visite poida xogar e aprender con el.

Contacontos Paco Nogueiras - Abril 2019

08/04/2019 09:00
08/04/2019 14:00

O pasado Luns o alumnado do CRA tivo a sorte de contar coa visita do gran Paco Nogueiras, que nos fixo rir e cantar con contos coma "Que becho es ti?", "A ratiña presumida", "Elmer" ou "Un, dous, tres, vampiro ti es..." acompañado do seu acordeón.

Creación de hortas nos patios - Abril 2019

09/04/2019 09:00
09/04/2019 14:00

Nalgúns dos colexios do noso CRA decidiron creas as súas propias hortas e prantar os seus propios alimentos (leitugas, tomates, amorodos...). Estas hortas aténdenas os propios nenos e nenas, prantando os alimentos e regándoos.

Visita á Granxa Kiriko - Marzo 2019

21/03/2019 09:00
21/03/2019 19:00

Os alumnos e alumnas de infantil tiveron a oportunidade de visitar durante todo o día do Xoves as instalacións da Granxa Kiriko. Alí, o alumnado puido interactuar cos diferentes animais da granxa, pasear polos seus montes e tamén facer obradoiros e xogos no que o pasaron xenial.

Aínda que foi un día longo, xa que saímos do CRA ás 08:45 e chegamos ás 19:00, o alumnado desfrutou e aprendeu moitísimo sobre os animais e o noso entorno.

Obradoiro Érguete - Marzo 2019

02/02/2019 09:00
15/03/2019 14:00

Nas aulas de infantil do noso CRA leváronse a cabo tres sesións de obradoiros con temáticas coma habilidades sociais, toma de decisións, xestión de conflictos, límites e normas e autoestima, por parte da Asociación Érguete Baixo Miño.

IV concurso fotográfico "Coñecendo os nosos montes en familia" - Marzo 2019

03/03/2019 09:00
03/03/2019 14:01

Por cuarto ano consecutivo, no noso CRA levamos a cabo o concurso fotográfico para o alumnado e as familias. Neste curso, na súa cuarta edición, a temática é sobre os nosos montes, polo que o alumnado poderá desfrutar dos mesmos e inmortalizar os momentos.

Os gañadores e gañadoras das diferentes categorías son:

- DIVERTIDA: Os irmáns Iker e Aitor Alonso, da escola de Fornelos, pola súa foto "Tocando as follas"

- ORIXINAL: As irmáns Clara e Alba Gómez, da escola de Pías, pola súa foto "Coidando do noso entorno no Lago Bostelo"

- ARTÍSTICA: As amigas Vera Rivero e Aroa Pereira, da escola de Novás, pola súa foto "Tendendo pontes á natureza".

Podedes ver tódalas fotos participantes expostas na biblioteca do CRA.

Entroido - Marzo 2019

01/03/2019 09:00
01/03/2019 14:00

Vivimos un entroido moi chulo. Durante toda a semana o "meco" foi mandándonos vir vestidos ao colexio con algo na cabeza, algo no pescozo, un zapato de cada cor, algo do revés... O día da festa chegou todo o mundo á escola de Novás (algúns incluso en tractor). Despois de prepararnos e vestirnos comezou o desfile. Cada colexio disfrazouse de algo relacionado co entorno: a escola de Pías vestíuse de Xabarín, a de Novás e Marzán de insectos, a de Fornelos de persoaxes da película "O Bosque Animado" , a de Couso de Porco Teixo e a de Tabagón de árbores.

Desfrutamos dun mercadillo impresionante organizado pola ANPA no que as familias donaron previamente produtos naturais e artesanais para poñelos á venda ese día. Os cartos recaudados van destinados a actividades para as nenas e nenos do CRA.

Tamén houbo unha rifa solidaria de dúas cestas con produtos de alimentación para recaudar fondos para as actividades destinadas ás nenas e nenos do CRA.

Ademais entregáronse os premios do concurso de fotografía de cociña en familia do CRA.

E todo isto culminado cun rato de baile e merenda. Foi un gran día.

Distribuir contido


by Dr. Radut