Orientación

Debido aos problemas técnicos para subir documentos nesta sección da páxina do centro, a partir de agora todo o relativo ao Departamento de Orientación deste curso o atoparédelo nun blog denominado “O curruncho da orientadora”.

Podedes acceder a el dende o seguinte link:

https://ocurrunchodaorientadora.blogspot.com

Tamén podedes atopar o acceso directo na marxe dereita desta páxina na sección que leva por título “BLOGS” onde se atopan ademais os blog da biblioteca, de Educación Infantil e de Segundo de Educación Primaria.

Moitas grazas.

 Orientacións básicas para favorecer o desenvolvemento lingüístico do neno/a no ámbito familiar.

• Non pretender que a nena/o fale correctamente á primeira, leva o seu tempo.
• Acepte con alegría (e manifesta) tódolos intentos de mellora de articulación que faga o súa filla/o.
• Si a/o nena/o persiste en pronunciar unha palabra de forma incorrecta non o/a ateigue, pero recórdelle, repetíndoa ben vostede como é correctamente a palabra. A nena/o non debe entender que a súa mala articulación se dá por boa.
• As cousas denominaranse correctamente. Non falarlle con linguaxe de bebé.
• Non debes esixirlle un esforzo que non sexa capaz de realizar. O seu fillo/a non debe ter sentimentos de impotencia.
• O seu neno/a adquire a linguaxe vendo cousas, tocándoas. Provoque situacións de diálogo, suscite preguntas...
• Non empregue vocabulario complicado nin intente soster conversacións superiores á súa capacidade.
• Hai que facer que se esforce e non dirixirlle en exceso de forma que só conteste con “si” ou “non”.
• Libros de imaxes, historietas contadas con palabras e xestos, cancións infantís con ritmo e melodía apropiados enriquecerán o seu vocabulario e darán a súa fala expresividade e entoación.
• Falarlle lentamente, con entoación normal e pronunciación clara.
• Evitar repetir as palabras mal articuladas polo neno/a aínda que sexan graciosas.
• Falarlle de cousas que lle interesan e que poden chamar a súa atención.
• Introducirse nos seu xogos, de forma que se favoreza o diálogo.
• Utilizar a corrección indirecta: Cando nos toque a quenda de responder ou continuar a conversación devolver ó neno/a o que dixo mal de forma correcta sen facerlle sentir incompetente. Exemplo: se di: ¨Dóeme a tateta¨ podemos responder : Ah, dóeche a cabeza.
• Darlle ocasión para que conte o que fixo e o que pensa, evitando facerlle preguntas excesivas e animándoo/a falar.
• Comezar tranquilamente usando ¨quendas¨. Respectar as quendas de conversación na familia.
• Non adiantarse e non concluír nin as palabras nin as oracións que lle costa a el/ela dicir.
• Darlle confianza, que sinta que o que di é importante e que vai a ser escoitado.
• Eliminar todo intento de que fale correctamente.
• Evitar calquera comentario ou expresión facial que nostre desaprobación da fala do neno/a. Polo contrario, débese tratar de adoptar unha expresión nuetra (como se falara ben).
• Tratar de non mostrarse impaciente ou desconcertado ante a súa fala.
• Non castigar ou chamar a atención ó neno/a pola súa fala.
• Verbalizar con el/ela tódalas conductas: ó lavar nomear as partes do corpo, o vestirse o nome da roupa...
• Lerlle contos para incrementar o seu vocabulario e afeccionalo ál ectura.
• Cando se lle piden cousas nomealas coa palabra exacta. Fuxir de palabras tales como: “iso”, “ese chisme”,....
• Que leve unha dieta sólida para exercitar a mastigación.
• Evitar hábitos de chupar o dedo, o lapis, o pescozo dascamisas,...Ensinarlle a sonarse a nariz.
• Exercitar os movementos da boca con todo tipo de estratexias e xogos:
• Xogos para exercitar os movementos da boca: exemplos: tirar bicos, facer vibralos beizos imitando o son da moto, movementos de lingua (sacar a lingua rápido/lento, relamberse os labios), inchar os carrillos...exercicios de mastigación (mastigar ben o filete, o pan...), mascar chicles, facer xogos de mímica, etc. Cun chupa chups facer que o suxeite cos beizos e nós tirar facendo forza para fortalecer a súa musculatura labial.
• Outros xogos:

- Xogos para traballar a respiración e o sopro: beber auga por pallas, inflar globos, facer pompa de xabón, soprar verlas, ulir distintos perfumes, facer gargarexos, coller aire e aguantar certo tempo sen respirar, etc.
- Imitar ós animais: como fai a vaca, o gato, o can...
- Escoitar sons: paxaros, o vento,ras...
- Dicir palabras: xogar a dicir palabras que empecen por unha vogal dada, por unha consoante...

Moito ánimo.

Departamento de Orientación 

Hoxe para animarvos propoñémovos xogar as adiviñas cos máis e non tan pequenos. É unha forma entretida de traballar a atención e concentración ao ter que adiviñar a resposta correcta.

Veña...A XOGAR!!!

Hoxe colgamos esta presentación, creada persoalmente, sobre un tema tan importante como é a ansiedade e o estrés.  É imprescindible saber cando estamos ansiosos para utilizar técnicas que nos permitan calmarnos e tranquilizarnos.

Aquí aportamos unha serie de ideas que poden ser de utilidade á hora de traballar cos vosos fillos/as.

Moito ánimo.

A seguir....

Desta vez subimos un arquivo adxunto de Expresión Escrita para o alumnado que asiste a apoio de AL, dende o 3º curso de Educación Primaria ata 6º desta etapa educativa.

É importante realizar unha ficha desta sección por día, dentro do posible. 

Dentro dunha semana subiremos outro documento desta índole.

Recordade:

Moito ánimo.

Que é aquilo que debemos facer durante estes días de corentena?

• Establecer unha rutina diaria que se deberá conformar en rangos xerais por tarefas de responsabilidade, tarefas de auto-coidado e tarefas de ocio.  Tres piares fundamentais para poder seguir activos dentro da situación que estamos a vivir.
• Axustar a túa nova vida ó máximo posible co que facíamos antes.

Valorar os aspectos positivos desta situación:

• Este confinamento pode ser unha oportunidade extraordinaria para pasar máis tempo en familia, falar cos vosos fillos/as, sen presa....en definitiva, desfrutar do máis apreciado que temos.
• Este confinamento vai a supoñer un respiro para o planeta: menos tránsito de vehículos, máis aproveitamento dos recursos da casa, mellorar administración dos alimentacións, etc.
• Este confinamento permitirá valorar a importancia de ter un teito, acceso a luz e auga, acceso a alimentación, recollida de residuos...

Importancia de manter os teus horarios:

• Horario de traballo: seguir traballando se é posible e senón adaptar novas responsabilidades e tarefas.
• Horario de descanso: interromper o menos posible o hábito de descanso e sono que tiñamos antes.
• Horario e hábitos de comida: igual que antes, interromper o menos posible este hábito, xa que podemos  caer na situación de comer de maneira compulsiva e sen orde.
• Horarios de hixiene: estar na casa non significa estar todo o día en pixama, sen ducharnos, sen vestirnos ou peitearnos. Os hábitos de hixiene son fundamentais neste momento.
• Horarios de ocio e tempo libre: é un bo momento para incorporar na nosa vida todas esas actividades que non tiñamos tempo de facer.

- As persoas acostumadas a ter moita interacción con outras persoas, poden servirse de chamadas ou vídeo-chamadas para ter ese  momento de actividade social.

- Auto-coidado: importante tomar unha parte do día e da semana para facer deporte, meditar, escribir, mimarnos... (un bo baño relaxante, arranxarnos e vernos ben...).

- Aproveitar este tempo para aprender cousas novas (coser, cociñar, manualidades, papiroflexia, pintar, facer quebracabezas...).

- É un bo momento para recuperar os lazos comunicativos intrafamiliares que perderamos, recuperar vellas costumes dentro de casa (reunirnos na mesa, xogar a xogos de mesa, ver películas....).

Cousas que non debemos facer durante estas semanas:

• Pasar todo o día en pixama, vendo películas ou series, e atacando a despensa.
• Recorrer constantemente a pensamentos de proxección futura. É momento de vivir o agora e saborear o momento.
• Monopolizar noso tema de conversación. Sabemos o que está pasando, debemos estar informados, pero non todo o tempo debemos falar o mesmo. Xa que isto solo pode axudarnos a aumentar os novos niveis de ansiedade.
• Ter constantemente as noticias postas na tele ou recorrer a elas por internet.

Recomendacións para pasar tempo en casa:

• Elaborar unha táboa de rutinas cos pequenos:

- Conversar con eles sobre a realización dunha táboa de rutinas e construíla xuntos.

- Facer unha choiva de ideas para as tarefas que van a realizar dentro da mesma.

- Utilizar unha cartolina.

- Facer debuxos das tarefas.

- Ser flexible na súa execución.

• Establecer dentro das táboas de rutina, un tempo para o reforzamento académico e escolar, así a través de actividades lúdicas ou didácticas que lle permitan os nenos/as aprender e desfrutar do tempo de deberes na casa.
• Dentro das actividades introducir algunhas que xeren movementos corporais como: bailes, exercicios, circuítos, ioga ou Mindflulness.
• Establecer conversacións asertivas e que sempre vaian dirixidas en positivo, validando e escoitando as súas emocións ou necesidades.
• Conversar sobre os seus sentimentos, que cousas lle xeran medo ou confusión, darlle un color e forma a esa emoción, preguntándolle tamén en que parte do corpo a senten e cerrar brindándolle contención.
• Elaborar na casa un espazo ou curruncho da calma onde podan estar para volver a estar tranquilos, cando se sentan preocupados, con medos ou confundidos. Alí poden ter: contos, botellas, bolsas sensoriais, plastilina, burbullas...
• Demostrar moita contención emocional a través de abrazos, caricias e moita presenta.

Debemos decidir en QUE ZONA QUEREMOS ESTAR:

Seguimos...

O “Grupo de Intervención Psicolóxica en Catástrofes e Emerxencias veñen de publicar o caderno “Retrincos de cores”,un material útil para abordar esta emerxencia sanitaria con nenos/as a través do debuxo.

Animámosvos a visitalo e a que o realizades cos vosos fillos/as. É unha maneira de expresar emocionalmente, mediante debuxos ou historias, como estamos a vivir esta situación.

https://copgalicia.gal/system/files/PDFs/xerais/retrincos_de_cores_0.pdf

Moito ánimo.

Animámosvos a visitar o portal educativo de Aulas Galegas, xa que nace co obxectivo axudar ao alumnado, ás familias e ó resto do profesorado a atopar recursos e materiais educativos en galego.

Nel podedes atopar recursos de atención á diversidade, curtas das aulas, enredos, ferramentas e lecturas de todos os niveis educativos (dende Educación Infantil ata Ciclos de Formación Profesional).

Así mesmo, tamén atoparedes o apartado de “orientación” do cal o noso centro educativo forma parte, cunha multitude de recursos de diversa temática: intelixencia emocional, técnicas de estudo, convivencia, como evitar a ansiedade, etc.

Podedes acceder a páxina principal dende este enlace:

http://aulasgalegas.org/aulas-galegas-o-proxecto/

E para acceder a parte de “orientación” neste outro:

http://aulasgalegas.org/category/orientacion/

Un saúdo.

Dende o Colexio Oficial de Psicoloxía de Galicia envíannos a toda a comunidade educativa (alumnado, familias e profesorado) unha serie de recomendacións elaboradas pola Sección de Psicoloxía Educativa para que teñamos en conta estas semanas:

PARA O ALUMNADO:

• Sabemos que estrañas o teu grupo de compañeiros, compañeiras e amizades, as súas apertas e os seus bicos. Pensa que está situación é transitoria.
• Son tempos de estar nas redes sociais para estar conectados pero lembra facer uso responsable. Coidado co que colgues nas redes.
• Colabora nas tarefas do fogar segundo a túa idade.
• O voso profesorado está tamén conectado, cumpre coa túa parte académica.
• É a vosa hora, sacade a vosa creatividade e iniciativas.

PARA AS FAMILIAS:

• Mantede a calma nas súas conversas e nos seus actos. A actitude da familia é a que van adoptar os vosos fillos e fillas.
• Transmitídelle que a responsabilidade é de todos, empezando pola casa.
• Xestiona o tempo da dedicación dos teus fillos ou fillas ás redes sociais.
• Pensade en positivo, tedes que sacar dos vosos fillos e fillas as o mellor que teñen.
• Axúdalles a falar e expresar as súas emocións, dúbidas, medos, inquedanzas.
• Fóra os bulos. Informádevos nas fontes fiables, páxinas webs da Consellería de Sanidade, de Educación e dos correspondentes Ministerios.

PARA O PROFESORADO:

• Racionalizade o traballo que enviedes ao voso alumnado. Lembrade que o alumnado, como toda a comunidade educativa está pasando por unha situación de estrés transitoria.
• Non todo son cuestións académicas, non esquezades o eido emocional do voso alumnado.

Un saúdo.

Bos días:

Nesta entrada deixamos material para o alumnado de 3º Educación Primaria que traballa co especialista de Audición e Linguaxe.

O alumnado deberá comezar dende a páxina 25 en diante, xa que as anteriores xa están realizadas con anterioridade no centro educativo.

Material descargable no seguinte link:

https://www.aulapt.org/wp-content/uploads/2017/12/FICHAS-DE-ATENCIÓN.pdf

Calquera dúbida escribide ao correo de orientación: orientación.cpivirxedomonte@hotmail.com

Un saúdo e ánimo!!