Hoxe tivemos a sorte de recibir a visita de 3 poetas, unha galega, un italiano e un irakí. Estes tres escritores estiveron vivindo a experiencia do Camiño de Santiago dende Vilafranca, entorno ao libro de Ámeto Mítico de Uxío Novoneyra. Xa é a segunda vez que veñen baixo este proxecto traídos pola Fundación Uxío Novoneyra.

A Fundación Santiago Rey Fernández-Latorre da Voz de Galicia veu de concedernos financiación para a realización do seguinte proxecto para o curso 2022-2023: “Descubrindo Pedrafita mediante unha ruta interpretada”

11 de Maio. Visita ao castelo de Doiras, xunto ao alumnado de Becerrea e Navia de Suarna. O tempo acompañounos... Dentro do que puido ser, non houbo queixa! Ao rematar a ruta, comemos en Doiras, e voltamos para o colexio (Carla) (Video: David, Jesús e Uxía)

Hoxe continuamos coa celebración das Letras galegas que xa comezamos o luns con Raquel Quizán. Este ano o noso día das letras vai para Florencio Delgado Gurriarán, destacado poeta, galeguista e que viviu o exilio e México. Todo isto reflícteo nos seus poemas. E coma homenaxe, o alumnado recitou algúns dos seus poemas. Aquí algunhas imaxes do día:

Logo da chegada a Freamunde o domingo disfrutamos da cea e da espectacular Quinta xunto cos colegas italianos. O luns recepción na escola portuguesa xunto co alumnado e profesorado e despois visita a Freamunde e Paços de Ferreira.

NORABOA A TODO O ALUMNADO POLO EXCELENTE TRABALLO REALIZADO!! Hoxe celebramos xa a IV edición do Congreso Científico. Esta vez tivemos de anfitrións ao alumnado e profes de Cervantes. Gracias pola acollida e a organización! Participamos o instituto de Becerreá, os CPI de Cervantes, Courel e nós, e tamén o instituto de Mondoñedo ainda que tivo que facelo por videochamada por culpa do COVID. Presentamos un total de 22 traballos que o alumnado estivo a realizar durante todo o curso!