Para chegar ao CPI

Podes ver onde quedamos no Google maps. Somos esa "especie de L" cun patio rosado no medio.

Como o noso cole está nunha depresión do terreo, hai que dar unha curva de 180º en costa abaixo e sen visibilidade, a maioría da xente pérdese a primeira vez que vén. Para iso sigue estas sinxelas instrucións e verás como non te perdes.

1. Saímos do Barco por Viloira e tiramos recto.
2. Enseguida chegamos ó desvío a Alixo. Non o collemos. Xa non teremos máis ata o do cole.
3. Pasamos unhas curvas abertas, logo unhas moi estreitas (se veñen camións hai que esperar antes de entrar e deixalos pasar) e pasamos a carón dunhas escombreiras de lousa que deixamos á esquerda.
4. Logo pasamos un par de naves e unha gasolineira, e encaramos unha recta na que se ve unha minicentral eléctrica á esquerda e que acaba en Sobradelo.
5. O desvío para o cole está xusto antes da minicentral. Ollo, porque no desvío hai que facer un xiro á esquerda de 180º, é dicir, un cambio de sentido. Non coller á dereita, que tiramos monte arriba.

O cole está a un nivel moito máis baixo da estrada e por iso non se ve dende a mesma, ata que fas o cambio de sentido. A continuación vén un mapa deste percorrido e unha foto do cole, para recoñecelo.