Novas

O alumnado da materia de Proxecto Competencial (dentro do Plan de actividades Proxecta+ de voluntariado) vai dirixir sesións de actividade física con persoas maiores da zona na súa hora de clase nas instalacións do CPI: 

- Xoves: de  14:55 - 15:35

- Venres: de 10:30 - 11:20 

             e de 12:35 - 13:25

 Consiste nunha actividade gratuíta na que se pretende establecer relacións entre os estudantes e a veciñanza, á vez que se trata de mellorar a calidade de vida das persoas que asistan.

Na primeira sesión farase unha avaliación inicial da condición física e nas seguintes realizaranse exercicios e xogos para mellorala.

Para participar, hai que chamar ao centro (988 68 50 40) e deixar un teléfono de contacto.

Animádevos!

O venres 3 de novembro pola mañá, Juan, o monitor de Loita das actividades extraescolares do cole, fíxonos unha pequena demostración deste deporte!

O alumnado de Primaria participou activamente na actividade! Quedaron todos moi contentos!

Así que animádevos e anotádevos á actividade pedindo máis información á ANPA do centro! 

As nais, os pais, os/as titores/a legais e os/as acolledores/as familiares do alumnado deste centro de ensino, que desexen, ao longo do curso 2023-2024, colaborar de xeito altruísta nas tarefas de atención e apoio aos escolares usuarios do comedor escolar, poderán apuntarse nas listas de admisión, que, habilitadas para este fin, se atopan na Dirección.

O prazo para presentar solicitudes permanecerá inicialmente aberto ata o día 8 de setembro de 2023, podéndose reabrir un novo prazo, de ser o caso, ata o 22 de decembro de 2023.