Taboleiro

Hoxe pola tarde, mércores 20 de decembro de 2023,  invitamos a todos os membros da comunidade educativa a participar nesta 1ª Feira Científica solidaria dentro do noso Proxecta de Voluntariado de Rede de Centros Solidarios. 

O alumnado de secundaria presentou un experimento sobre o biodiésel (1º da ESO), a cantidade de azucre presente nos refrescos (2º da ESO), a detección de vitamina C nos alimentos (3º da ESO) e por último a fabricación dun barómetro caseiro (4º da ESO). 

Por outra banda, os alumnos de Primaria explicaron varios experimentos que realizaron no Club de Ciencias sobre a condutividade eléctrica con auga salgada ou doce e incluso con plastilina.

Foi tamén unha oportunidade para recoller xoguetes e libros infantís para a Asociación Cáritas do Ribeiro.

Grazas ás familias pola súa solidariedade!

O 3 de decembro celebrouse o Día Internacional das Persoas con Discapacidade.

O pasado luns, organizamos xogos sensoriais para todo o alumnado para que os rapaces e rapazas empatizarán coas persoas con diversidade funcional. Esta actividade forma parte do Proxecta de Voluntariado do noso centro.

XORNADA DE CAMPO A TRAVÉS EN MUÍÑOS

O martes 21 de novembro de 2023, os rapaces e rapazas desde 2º de Primaria ata 3º da ESO participaron na primeira xornada de deporte escolar deste curso.

Parabéns a todos e todas, especialmente a:

- Rubén (1º da ESO), subcampión, Infantil masculino

- Uxía (3º da ESO), subcampioa, por equipos, feminino

- Rubén (2º da ESO), subcampión, por equipos, masculino.

O xoves 9 de novembro de 2023, Manuel Rivas da Axencia para a Modernización Tecnolóxica de Galicia (AMTEGA) animou un obradoiro para o alumnado da ESO sobre o uso correcto de distintas  aplicacións e os perigos dos perfís nas redes sociais. 

Xa retomamos as actividades do Club de Ciencias! Podedes ver todos os nosos experimentos no noso Blog (accesible nesta mesma páxina, a dereita)! Este mes empezamos coa forza do magnetismo! E coma sempre, diversión asegurada!!!!