Saída Didáctica Castro de Lás
O PASADO 22 DE OTUBRO VISITAMOS O PARQUE ARQUEOLÓXICO DE SAN CIBRÁN DE LAS, NO QUE SE ATOPAN O CASTRO DE LANSBRICAE O CENTRO DE INTERPRETACIÓN DA CULTURA CASTREXA.
PARTICIPAMOS OS ALUMNOS E ALUMNAS DE 3º A 6º DE ENSINO PRIMARIO E 1º DE SECUNDARIO, QUE COMPARTIMOS UNHA XORNADA MOI AGRADABLE E SOLEADA.
NO CENTRO DE INTERPRETACIÓN PUIDEMOS COÑECER A VIDA DOS HABITANTES DOS CASTROS GALEGOS A TRAVÉS DA RECREACIÓN DAS SÚAS VIVENDAS E COSTUMES, ASÍ COMO MEDIANTE A OBSERVACIÓN DOS VESTIXIOS MATERIAIS ALÍ EXPOSTOS: PEDRAS LABRADAS, APEIROS DIVERSOS, CERÁMICAS OU ENXOVAIS DOMÉSTICOS.
FOI MOI DIVERTIDO ACHEGARNOS Á VIDA DIARIA DOS CASTREXOS: APRENDEMOS COMO FACÍAN O LUME NO CASTRO E PRACTICAMOS NÓS MESMOS COMO SE ACENDÍAN OS FOGARES CASTREXOS.
NON PODÍA FALTAR A VISITA AO PROPIO CASTRO, DO QUE SE CONSERVAN NUMEROSOS MUROS DAS SÚAS VIVENDAS E MURALLAS. ENCAMIÑÁNDONOS POLAS RÚAS DE LANSBRICA COMPROBAMOS A POSICIÓN ESTRATÉXICA NA QUE SE EMPRAZA E OS ESPAZOS COMÚNS DOS HABITANTES DA CIDADE: O ALXIBE, O ALMACÉN DE GRAN, A CROA QUE CUMPRÍA AS FUNCIÓNS DE ÁGORA DO CASTRO.
TAMÉN TIVEMOS TEMPO PARA XANTAR, XOGAR E RECOLLER IMAXES DE RECORDO DA NOSA VISITA ANTES DE EMPRENDER O CAMIÑO DE VOLTA A CASA.
