Xuntamos nota relativa ao fin de curso para ESO:

NOTAS CURSO 19/20

Publicación: En  Abalar o día 22 de xuño ás 10 h.

Reclamacións: 48 h a partir do momento da publicación.

MATRÍCULA CURSO 20/21

TODO O ALUMNADO de ESO (aprobado ou suspenso) terá que formalizar matrícula agora en xuño, sempre para o curso seguinte ao que está cursando; no caso de que na avaliación de setembro se decidise que algún alumno/a tivese que repetir entregaráselle xunto co boletín de notas un novo impreso para modificar o entregado agora.

Os sobres de matrícula poderánse recoller no centro a partir do 22 de xuño e a formalización da matrícula coincidirá coas datas de devolución de libros do fondo.

DEVOLUCIÓN LIBROS TEXTO FONDO SOLIDARIO E LIBROS BIBLIOTECA

Hai que devolver os libros da biblioteca e o club de lectura que o alumnado tivera na casa e os libros de texto do fondo de todas as materias aprobadas en xuño (hai que lembrar devolver todos os volumes no caso de materias separadas por trimestres).

Os libros das materias suspensas devolveránse en setembro.

DATAS de devolución libros de fondo e formalización de matrícula curso seguinte:

2º e 3º ESO: días 22 e 23 de xuño en horario de 9:45 a 13:25h

1º e 4º ESO: día 25 de xuño de 9:45 a 13:25 h.

O alumnado de 6º que se matricule en 1º da ESO formalizará a matrícula o día 26 de xuño en horario de 9:45 a 13:25h

RESOLUCIÓN FONDO SOLIDARIO PARA O CURSO 20/21

Día 10 de xullo: publicación no colexio das listaxes provisionais de admitidos/as

Días 13 e 14 de xullo: presentación de reclamacións.

Día 14 de setembro: publicación da adxudicación definitiva.

Informamos á comunidade educativa que as notas estarán dispoñibles o VENRES DÍA 3  a partir das 10:00h. só vía telemática na plataforma ABALARMÓBIL. Teñen toda información de como acceder a este servizo ou como descargalo ao móbil na seguinte ligazón:

https://www.edu.xunta.es/espazoAbalar/nova/abalarmobil

 Nas instrucións recibidas (17 horas do día 27) da Consellería sobre a concreción de medidas a adoptar en relación coa avaliación do segundo trimestre, indícase o seguinte:

1. A efectos de dar continuidade no calendario escolar, os centros educativos procederán a formalizar o peche da avaliación do segundo trimestre. Cada centro, dentro da súa autonomía pedagóxica e de xestión, disporá as medidas precisas para a súa formalización, na medida do posible, antes do 3 de abril.
2. Non serán avaliables as actividades relacionadas cos contidos curriculares realizadas polo alumnado con posterioridade á data de declaración do estado de alarma. En consecuencia, aqueles centros que non teñan formalizado o peche da avaliación do segundo trimestre procederán a formalizalo co traballo desenvolvido ata dita data.

 En virtude destas instrucións informamos á comunidade educativa que na próxima semana procederemos a realizar a segunda avaliación do alumnado co traballo desenvolvido ata a data de declaración de alarma. As notas estarán dispoñibles o venres día 3 só vía telemática na plataforma AbalarMobil. Teñen toda información de como acceder a este servizo ou como descargalo ao móbil na seguinte ligazón:

https://www.edu.xunta.es/espazoAbalar/nova/abalarmobil

Na Conferencia sectorial de Educación, celebrada este mércores 25, hai importantes acordos que trasladamos para o seu coñecemento:

• Avaliar o segundo trimestre co traballo desenvolvido ata a interrupción das clases presenciais. Con respecto ao proceso de avaliación e entrega de notas, agardamos instrucións da Consellería e informaremos en canto nos cheguen.
• Modificar os contidos e competencias básicas previstas para o terceiro trimestre (que se fará nunha xuntanza en abril).
• Suspender este curso as probas de avaliación diagnóstica.

Para máis información, consultar na seguinte ligazón: https://www.edu.xunta.gal/portal/node/30634

Prezadas familias

 Para resolver  dúbidas que nos están sendo consultadas por teléfono, informamos de que nesta propia páxina se irán colgando, a partir do luns, as actividades para  que o alumnado as poda realizar no seu domicilio así como todas  as instrucións que o profesorado lles queiran transmitir.

 Con respecto a outros temas como a avaliación, iremos informando segundo nos cheguen instrucións.

Ás catro e 56 minutos desta tarde recibimos un correo da inspección educativa na que se pon no noso coñecemento que "tal e como acaba de comunicar o Presidente da Xunta de Galicia en rolda de prensa, suspéndense as actividades lectivas nos centros educativos de Galicia oficialmente o luns 16/03/2020, e de xeito recomendable a partir de mañán 13/03/2020"

 Calquera novidade será comunicada a través desta páxina web. Para máis información poden consultar o Portal Educativo da Consellería de Educación

O equipo directivo

ADMISIÓN ALUMNADO CURSO 2019-2020

 IMPRESO DE ADMISION. MODELO ED 550B

 NOTA INFORMATIVA

 Normativa reguladora:

 -DECRETO 254/2012, do 13 de decembro, polo que se regula a admisión de alumnado en centros docentes sostidos con fondos públicos (DOG 245 - 26/12/2012)

 -ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos (DOG 53 - 15/03/2013)

 -ORDE do 25 de xaneiro de 2017 pola que se modifica a Orde do 12 de marzo de 2013 (DOG 22 – 1/02/2017)

 Reserva de praza

             Aos alumnos/as actuais do centro realízaselle a reserva automática, agás que os seus pais/nais ou titores legais manifesten o contrario. 

 Solicitude de admisión:

             Presentará a solicitude de admisión o alumnado de novo ingreso que queira solicitar praza neste centro. A solicitude será única e o prazo de presentación será do 1 ao 20 de marzo.

 Presentación de solicitudes:

 1.- De forma electrónica:

 - As solicitudes de admisión  cúbrense mediante o formulario normalizado a través da aplicación de xestión do proceso “admisionalumnado” (https://www.edu.xunta.es/admisionalumnado) e entrégase no centro.

 - Pódese cubrir na aplicación anterior e presentala en SEDE ELECTRÓNICA.

 2.- De forma presencial: na secretaría do centro indicado como primeira opción.

 Documentación a entregar:            

 -       Solicitude de admisión: formulario normalizado (ED550B) ANEXO II dispoñible na secretaría do centro, na aplicación admisionalumnado (https://www.edu.xunta.es/admisionalumnado) e na páxina web do centro.

 -         Fotocopia do libro de familia onde figure o alumno/a.

 -         D.N.I da persoa solicitante e dos membros computables da unidade familiar, cando deneguen a consulta telemática de datos.

 -        Certificado de empadroamento no caso de solicitar servizos complementarios.

 -         Convenio regulador ou resolución xudicial de separación ou divorcio, de darse o caso.

 -         No caso de alumnado con necesidades específicas de apoio, documentación que acredite as circunstancias alegadas.

             A solicitude terá que estar asinada por calquera das/os titulares da patria potestade ou representantes legais. No caso de separación ou divorcio será necesaria a sinatura de ambos/as proxenitores/as, agás que a patria potestade estea atribuída a un deles. En ambos casos, será necesario presentar xunto coa solicitude de admisión a resolución xudicial correspondente para o seu cotexo polo centro educativo.

             No suposto de alumnado afectado por violencia de xénero non será esixible o previsto no parágrafo anterior.

 Publicación de admitidos/as:

 - Listaxe provisional de admitidos e non admitidos: publicarase antes do 25 de abril. Poderase formular reclamación no prazo de 5 días hábiles contados a partir do seguinte ao da súa publicación.

 - Listaxe definitiva: Antes do 15 de maio.

 Formalización de matrícula:  

             A formalización de matrícula deberá axustarse ao modelo normalizado Anexo III (dispoñibletamén na secretaría ou na páxina web do centro) e terá lugar nos seguintes prazos:

             Infantil e primaria: do 20 ao 30 de xuño

             Secundaria:     

             Prazo ordinario: do 25 de xuño ao 10 de xullo

             Prazo extraordinario (alumnado con materias pendentes en xuño): do 1 ao 10 de setembro

 Nota informativa

 ·         Cada alumna e alumno só pode presentar unha única solicitude no centro que solicite praza en primeiro lugar. A infracción neste punto determinará a perda dos dereitos de prioridade que poidan corresponderlle.

 ·         O alumnado actual ten garantía de permanencia no centro. Se presenta solicitude de admisión noutro centro distinto deberá comunicalo, ao mesmo tempo, ao centro de orixe.

 ·         O alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión

 ·         O CPI “Fonte Díaz” está adscrito ao IES Fontiñas e ao IES Pontepedriña.

 ·         Os servizos complementarios que ofrece o centro son o de comedor (O. 21 de Febreiro de 2007 e D. 132/2013) e transporte escolar (Instrucción 3/2017 da Secretaría Xeral Técnica).

O CPI Fonte Díaz de Touro informa que sen prexuízo de que no centro non sexa lectivo o día 20 de marzo,  na sede electrónica o 20 de marzo será o último día para presentar a solicitude de admisión.

 CALENDARIO ESCOLAR CURSO 2018/2019

Publicada a adxudicación definitiva do Fondo Libros da ESO. 

A entrega dos libros terá lugar o luns 17 de setembro, primeiro día de clase (salvo os que se piden a día de hoxe á editorial, que serán entregados a medida que vaian chegando ao colexio)

Para calquera dúbida  poden chamar ao colexio ou consultalo na páxina web www.edu.xunta.es/fondolibros/

Tamén poden recoller na secretaría do colexio os cheques de material adxudicados.

Convocatoria do fondo solidario de libros de texto e axudas para libros de texto e material escolar para o alumnado de primaria, ESO e educación especial para o curso escolar 2018/2019

Anexos I e II  relativos ao fondo solidario de libros de texto, axudas para libros e axudas para material escolar