CPI da Cañiza |

CAMPIONATO PROVINCIAL ESCOLAR DE ORIENTACIÓN.

Xov, 26/03/2015 - 11:29 — Anónimo

O pasado mércores 11 de Marzo, 39 alumnos do CPI da Cañiza participaron no Campionato Provincial Escolar de Orientación. Desprazámonos ao Parque Deportivo Mercantil da cidade de Pontevedra, e competían 300 alumnos de 8 colexios da provincia.

A orientación é un deporte relativamente novo, que consiste en facer unha carreira cun mapa e un compás, no que hai marcados uns puntos de control que os competidores teñen que atopar e marcar nunha tarxeta que levan, na orde en que te indique o mapa. Na realidade, o punto de control é unha baliza branca e laranxa de aproximadamente 30 cm, cun código e unha pinza que deixa unha marca característica.

Os rapaces pasárono xenial: correndo e pensando, calculando rutas e perdéndose polo monte! Todos tiñan algunha anécdota que contar. E os resultados foron realmente bos para o noso centro, destacando tres podios nas categorías infantís:

JENNIFER DOMÍNGUEZ ROCHA , primeira na categoría infantil feminino.

GRACIELA GONZÁLEZ GREGORIO, segunda na categoría infantil feminino.

JACOBO ESTÉVEZ RODRÍGUEZ, terceiro na categoría infantil masculino.

Outros resultados tamén moi meritorios foron:

Das doce primeiras clasificadas na categoría infantil feminino, oito foron do noso cole: Sheila González, Érica Gómez, Uxía Fernández, Sofía Álvarez, Sara González e Sofía Faílde.

En infantil masculino: Xosé Fernández quedou quinto, Ález Álvarez sétimo e Carlos Gesteira oitavo.

E en cadete masculino Eloy González acadou un fantástico quinto posto e Adrián Philipp quedou sétimo.

Preme na seguinte ligazón para ver o vídeo

PARABÉNS A TODOS!

Plan de consumo de froita na escola

Dom, 22/03/2015 - 13:41 — Anónimo

Como xa adiantamos hai algún tempo, comezaron as actividades do“Plan de consumo de froita na escola”, en convenio co FOGGA (Fondo galego de garantía agraria), para promover a creación de hábitos de alimentación saudables.

Nesta iniciativa, vaise repartir entre o alumnado de infatil e primaria unha peza de froita fresca de tempada.

Deixamos unhas imaxes da última xornada.

As próximas terán lugar nas semanas do 13 ao 17 de abril e do 4 ao 8 de maio.

A DIRECCIÓN

XA ESTÁN DISPOÑIBLES NO CENTRO OS TÍTULOS DE ESO DOS ANOS ACADÉMICOS: 2008-2009, 2009-2010, 2010-2011 e 2011-2012

Xov, 19/03/2015 - 11:26 — Anónimo

INICIO PROGRAMA PROA

Dom, 08/02/2015 - 13:27 — de.cima

O luns, día 9 de febreiro, comezará o programa PROA (programa de reforzo, orientación e apoio) no CPI da Cañiza para 30 alumnos da ESO.
Este programa será impartido por un profesor do centro, en horario extraescolar, de luns a xoves, en dous grupos de 15 alumnos cada un, dous días á semana cada grupo.
O programa finalizará a segunda quincena do mes de xuño.
O obxectivo final que se persegue nesta actuación é acadar e mellorar as competencias educativas destes alumnos.

A dirección

Comunícaselle a todos os pais/nais que o CPI da Cañiza, intentando promover a creación de hábitos de alimentación saudables, participa este curso nun “Plan de consumo de froita na escola”, en convenio co FOGGA ( Fondo galego de garantía agraria).

Esta axuda concédese para mercar froita para os nenos/as de infantil e primaria durante catro semanas: do 2 ao 6 de febreiro, do 2 ao 6 de marzo, do 13 ao 17 de abril e do 4 ao 8 de maio.

Así pois, a próxima semana, na hora do recreo, repartirase a todo o alumnado de infantil e primaria unha peza de froita fresca de tempada.

A DIRECCIÓN

Onte, xoves día 15 de xaneiro, por un corte no servizo eléctrico, dende as 13:55 ata as 14:50 h., non se puido cociñar o segundo prato (espaguetes) para os alumnos da ESO.

O persoal de cociña e a dirección do centro piden desculpas polas molestias causadas alleas a nosa vontade.

A DIRECCIÓN

No CPI da Cañiza, a AEV (Aportación Económica Voluntaria) é unha cota totalmente voluntaria por parte das familias, aprobada polo Consello Escolar e pola Inspección Educativa e supervisada por unha Comisión Económica, da que forman parte pais, alumnos e profesores.

Esta cota complementa os ingresos da Consellería de Educación para o servizo do comedor e utilízase fundamentalmente para:

- Mellora do menú.

- Melloras na cociña e no comedor: fontanería, electricidade, carpintería, pintura, etc.

- Adquisición e reparación de electrodomésticos: forno, frigoríficos, etc.

- Reposición e compra de menaxe: potas, pratos, cubertería, etc.

- Compra de productos de limpeza e droguería.

Neste curso os ingresos para o comedor reducíronse nunha porcentaxe bastante importante, uns 20.000 € menos no primeiro trimestre, polo que é fundamental que as familias que poidan fagan esta achega.

A AEV realízase en dúas aportacións anuais e, en función do número de irmáns, cada unha é de:

1 alumno……………………15 €

2 alumnos………………….25 €

3 ou máis alumnos…….30 €

En definitiva, grazas a esta cota, que, repito, é totalmente voluntaria, o servizo de comedor do CPI da Cañiza, onde comen uns 600 alumnos, tanto os que pagan como os que non, vese mellorado no seu funcionamento e redunda na calidade tanto das instalacións, como da cociña (tren de lavado, forno, mesas quentes, etc.), como na calidade dos propios productos alimenticios; en definitiva, no beneficio dos seus fillos.

A DIRECCIÓN

AVISO: Modificación da xornada escolar en Secundaria 19/12/2014

Mér, 17/12/2014 - 12:17 — Anónimo

Co gallo da celebración do Nadal, este venres 19 de decembro, o alumnado de Secundaria marchará no transporte escolar ás 14:30 (45 minutos antes do habitual) e o alumnado que non faga uso do comedor escolar sairá ás 13:50.

Dita modificación foi aprobada polo Consello Escolar.