CPI de Cervantes

Parabéns ás gañadoras do certame literario do Día do Libro: Nerea (Infantil), Alicia (1º de Primaria), Ainara (6º de Primaria), Patricia (1º de ESO) e Natalia (3º de ESO).

Moitas grazas a todo o alumnado por participar  e moitas grazas ao Concello de Cervantes pola súa colaboración.  

Jesús Silverio Cavia, máis coñecido polo seu nome artístico Silverius de Ura, veu ao noso cole! Foi unha delicia escoitalo! Coa súa voz, coa súa música, cos seus "estraños" instrumentos... puxo a traballar a nosa imaxinación, e levounos de viaxe a unha chea de sitios sorprendentes!

Moitas grazas a ANPA do CPI de Cervantes por traernos este concerto!   

Hoxe, en Radio Castaña, dramatización en directo por parte do alumnado de 4º, 5º e 6º de primaria!

Escoita o programa a partir das 13:00 horas, hora meiga en Cervantes.

https://zeno.fm/radio/radio-castana-dia-da-radio/

No Día Internacional da Muller, fermosa homenaxe do alumnado de Infantil e Primaria.

O día 23 de Febreiro  conmemoramos o día de nacemento da nosa escritora internacional, máis revolucionaria, visionaria, feminista e comprometida:

“Eu son libre, nada pode contar a marcha dos meus pensamentos e eles son a lei que rexe o meu destino”

A rapazada do Cpi de Cervantes traballou unha serie de poemas que plasmou nuns pétalos conformando varias  flores,  ademais de elaborar uns marcapáxinas  con dúas das plantas escollidas do seu herbario: as rosas e o carballo, e coas que se agasallou a toda a comunidade educativa, porque febrero é o seu mes “eu nasín cando as prantas nasen”.

Este luns é o Día da Radio, e desde a nosa radio, Radio Castaña, imos celebrar esta data, xunto con moitas outras radios escolares de Galicia e Portugal.

Grazas a Ponte nas Ondas, que nos convidou a formar parte desta festa, e grazas a Radio As Nogais que vai emitir o noso programa en directo.

Ás 10:30 comeza a emisión do CPI Luis Díaz Moreno, de Baralla, e a partir das 11:00, vai o programa de Radio Castaña, a radio do noso cole.

Se queredes escoitarnos, sintonizade Radio As Nogais, ou dádelle ao seguinte enlace: https://zeno.fm/radio/radio-castana-dia-da-radio/

Imos ter "Lembranzas da radio", "Entrevista a Lola de Piornedo", unha sección de ciencia "Elas son de ciencia" e outra de historia "Frecuencia inagardada".

Non deixedes de escoitarnos!