Para a celebración do día da paz o alumnado de 6° representou para os nenos e nenas de infantil o conto “Negros e brancos”. O intercambio entre nenos de diferentes idades favorece a convivencia a nivel de centro e pequenos e grandes desfrutan un montón! 

O xogo simbólico é unha das fontes de aprendizaxe máis importantes na etapa lnfantil, máis cando se enriquece o intercambio con alumnos e alumnas de distintas idades. Na foto, o alumnado de 4° e 6° de infantil, compartindo xogo e aprendizaxe, e polo tanto, aprendendo a convivir. Esperamos que vos guste!

O alumnado de 5º de primaria estudou durante o mes de xaneiro o sistema solar. Durante unha sesión baixaron as súas maquetas e explicáronlle ao alumnado de infantil todas as súas peculiaridades. Estaban encantados! Na foto podedes ver o alumnado de 3 anos!

Retoques finais, estamos inmersos na elaboracion dos créditos iniciais e finais da nosa curtametraxe Maruxa. Clica na imaxe unha pequena mostra.

Nestes momentos estamos a gravar as voces dos personaxes da curtametraxe de Maruxa e Pepiño.

Iniciamos a gravación da curtametraxe co programa Monkey Jam, foto a foto e con moita paciencia. Establecemos diferentes papeis para cada neno e nena: os que movían os elementos da película (can, fume, bolboretas, Pepiño, Maruxa,...) e o editor e produtor da curta.

Continuamos cos decorados da nosa curtametraxe.

As aulas de 4º e 6º de Educación Infantil están elaborando un proxecto, a elaboración dunha curtametraxe de animación en galego baseada na obra de Maruxa da escritora Eva Mejuto, editorial OQO, ao abeiro do programa de dinamización lingüística, Nós tamén creamos!

Comezamos cos decorados.