EDUCACIÓN INFANTIL E PRIMARIA

EDUCACIÓN SECUNDARIA

O pasado día 22 de xuño celebramos Primaria e Secundaria o Fin de Curso 2011-2012, no que tivemos unha serie de actuacións do noso alumnado, e un recoñecementoespecial aos logros acadados tanto educativos como deportivos por parte deles no presente curso académico.

Non nos queda máis que desexarlles unhas felices vacacións e os parabéns de toda a comunidade educativa.

Nos seguintes enlaces podedes ver uns vídeos das actuacións dese día:

http://youtu.be/JxFHJeVfYMg  - Representación de ximnasia rítmica I

http://youtu.be/39XmX7DSk8g - Representación de ximnasia rítmica II

7 SETEMBRO ÁS 11:00 H. ENTREGA DE NOTAS

Período de matriculación na ESO ata o 10 de setembro.

Con motivo do fin de curso 2011-2012, imos facer unha revisión das actividades que se realizaron no noso centro das que non fixemos aínda reportaxe: 1.- Recollida de Tapóns : DIOGO Alumnado e profesorado do CPI de Ares participaron neste curso na campaña de reunir Tapóns, para que o neno, Diogo Farinhoto, poda ter unha prótese ortopédica. A mediados de xuño entregáronse os tapóns en Narón a José Rivas, que é o encargado.

A Dirección do CPI Conde de Fenosa, informa ás familias do noso centro sobre as novas Instrucións 3/2012 da Secretaría Xeral Técnica da Consellería de Cultura, Educación e Ordenación Universitaria sobre a xestión do servizo de transporte escolar para o vindeiro curso 2012-2013.

Cabe destacar o seguinte:

• Será usuario lexítimo do transporte escolar o alumnado cuxo domicilio atópase a unha distancia igual ou superior a 2 km do centro escolar. Este alumnado terá dereito ao comedor escolar gratuíto.
• Poderáse autorizar excepcionalmente pola Xefatura Territorial o uso do servizo de transporte ao alumnado cuxo domicilio estea aunha distancia inferior a 2km e superior a 1km en zona urbana ou 500m en zona non urbanizada e, en ningún caso, comportará preferencia algunha no acceso ao comedor escolar ou a súa gratuidade.

Por iso, dende a Dirección infórmase ao alumnado cuxo domicilio estea a unha distancia inferior a 2km que anteriormente por existir parada de transporte só presentaban o certificado de empadroamento, poden solicitar a autorización excepcional de usuario de transporte e tamén, deben acompañar coa solicitude de comedor os documentos que sexan precisos para optar a ser usuario de comedor: familia numerosa, situación socioeconómica desfavorable, incompatibilidade horaria das familias.... segundo o documento de solicitude de comedor adxunto na formalización de matrícula.

Para ser usuarios de comedor no curso escolar 2012-2013, vanse baremar de novo todas as solicitudes tendo en conta as novas instrucións.

O prazo de presentación das solicitudes de comedor rematará o vindeiro 20 de xullo.

Adxuntamos as instrucións 3/2012 de transporte escolar e 1/2012 de comedor escolar enviadas aos centros escolares para o vindeiro curso escolar 2012-2013.

O listado de libros de texto para o curso escolar 2012-2013, podedes consultalo nos arquivos adxuntos. Houbo un erro no libro de texto de 2º de ESO na materia de Inglés. O libro de Ciencias Naturais de 1º de ESO mantense o do listado inicial.

AVISO:

Houbo un erro nos ISBN dos libros de Relixión Católica de Infantil 5 anos e de 2º Primaria:

ISBN Relixión Infantil 5anos: 978-84-667-6575-6

ISBN Relixión 2º Primaria : 978-84-667-9828-0

Tamén outro cambio no ISBN de Infantil "Palabra Máxicas " de EDELVIVES

Agora no arquivo adxunto, podedes consultar os libros definitivos e o material complementario.

Presentamos a 1ª Revista escolar do CPI Conde de Fenosa, curso 2011-2012

A maquetación, coordinación e dinamización correu a cargo da nosa profesora Yolanda Castro López, que tivo grande colaboración por parte do alumnado e profesorado do centro.

Parabéns polo traballo ben feito

O alumnado do 1º Ciclo de Primaria xunto coas súas profesoras, propuxéronse tunear adecentando así a entrada de Primaria.

Podedes ver unha pequena mostra coas fotos do alumnado de 1º EP A, dirixidos pola profesora Amelia, en pleno traballo .

Os alumnnos/as de 3º ESO A: Laura Ordóñez García, Roberto Rivas Couce e Miguel Rodríguez Castro gañaron un concurso da Fundación Barrié.

Convocatoria:

Concurso de elaboración do Xornal Galicia, do que foi director Valentín Paz Andrade (1922-26).

Debían reproducir ese xornal e crear unha serie de artigos periodísticos.

Premiados:

•  Roberto Rivas Couce por unha crónica periodística e


•  Laura Ordóñez García e Miguel Rodríguez Castro por unha editorial do xornal.

De parte da Comunidade Educativa, os nosos parabéns a eles.

A Comunidade Educativa do CPI Conde de Fenosa quere dar  os PARABÉNS as nosas alumnas : Marta Cepero Mosquera, Icíar Bermúdez Fornos, Andrea Riveiro Romero e Carla López Rodríguez de 4º E.P. polo gran´de éxito acadado no Campionato Galego de Ximansia Rítmica na categoría Alevín celebrado en Ourense .