CIFP Porta da Auga

Benvidos ao Departamento de Información e Orientación Profesional do centro.

  Este departamento está formado por:

Ø  A orientadora, xefa do departamento. 

Ø  A coordinadora de emprendemento, xefa do departamento de FOL. 

Ø  E un profesor de cada familia profesional que existe no centro:  Transporte e Mantemento de Vehículos, Electricidade e Electrónica,  Edificación e Obra Civil, Administración e Xestión e Servizos Socioculturais e á Comunidade.

  As competencias deste departamento son:

• Elaborar, as propostas de organización da orientación educativa e profesional, e o  plan de acción titorial.
• Informar o alumnado e, en xeral, a calquera persoa interesada sobre as oportunidades de acceso ao emprego, da oferta de cursos de perfeccionamento, reciclaxe ou especialización, así como das posibilidades do procedemento do recoñecemento, avaliación, acreditación e certificación da competencia profesional, das cualificacións profesionais e da formación ao longo da vida.
• Informar e orientar as persoas que participen no procedemento de recoñecemento, avaliación, acreditación e certificación da competencia profesional acerca dos itinerarios formativos que lles permitan, logo de rematado o proceso de avaliación, completar a competencia en que sexan deficitarios para conseguir a titulación de formación profesional ou o certificado de profesionalidade correspondente. 
• Planificar, desenvolver e levar a cabo as accións de información e orientación no procedemento de recoñecemento, avaliación, acreditación e certificación da competencia profesional.
• Motivar o alumnado e as persoas que xa rematasen os seus estudos e facilitarlles acceso
• os programas e ás actividades de emprendemento.
• Planificar a actividade dos viveiros de empresas.
•  Divulgar  accións de emprendemento.
• Realizar estudos de inserción laboral do alumnado, así como realizar e coordinar os estudos de mercado de traballo.
• Xestionar a bolsa de emprego.
• Coordinar a orientación laboral e profesional con outras administracións, entidades ou institucións.
• Coordinar, apoiar e ofrecer soporte técnico ás actividades de información, orientación e titoría que o profesorado realice no centro co seu alumnado.
• Colaborar na detección de dificultades ou problemas de desenvolvemento ou aprendizaxe, así como participar no diagnóstico, no deseño e na aplicación de medidas de apoio.
• Contribuír a que a avaliación desenvolvida no centro se axuste aos principios de avaliación continua, formativa e orientativa.
•  Elaborar propostas acerca dos perfís profesionais que demanden as empresas do contorno.
• Elaborar a programación do departamento e a memoria que avalíe todas as actuacións.

 Para recibir información ou aclarar calquera dúbida, poden acudir ao departamento, poñerse en contacto coa orientadora (Marta) mediante o teléfono 982128894 ou na seguinte dirección orientacion.cifp.portadaauga@edu.xunta.es 

 Tamén podes consultar noticias relacionadas co departamento as cales publicarémolas regularmente na sección de anuncios seguinte:

  http://centros.edu.xunta.es/cifpportadaauga/galego/taboleiro_anuncios.php 

Publicada a listaxe provisional de cualificacións nas probas de acceso a ciclos medios.

Para acceder a listaxe, premer aquí.

Período de reclamación, dende o día 15 ao 17 de xuño, ambos os dous incluídos, no centro onde se presentou a solicitude de inscrición.

Modelo de reclamación contra as cualificacións provisorias.

Máis información

O pasado venres 8 de Maio, no CIFP Porta da Auga, tivo lugar un obradoiro no que a través das propias ensinanzas impartidas no CIFP, pretendeuse traballar sobre a igualdade de xénero. Esta actividade , ao igual que outras que xorden na Mesa Intersectorial de Violencia de Xénero na que participamos os centros de ensino do Municipio, contou dende o primeiro momento co apoio do equipo directivo. Xa que somos conscientes de que para que a igualdade entre homes e mulleres sexa posible, un dos obxectivos que como sociedade e como educadores/as temos que perseguir é promover o acceso igualitario ao mundo laboral e, por ende, á formación previa até chegar a el.

Tanto a lexislación europea coma o marco normativo que actualmente nos rexe, establecen que  a Formación Profesional “comprende un conxunto de accións formativas que capacitan para o desempeño cualificado das profesións, o acceso ao emprego e a participación activa na vida social, cultural e económica.(…)” Asemade, marcan coma obxectivos a consecución do desenvolvemento integral da persoa á marxe dos estereotipos e dos papeis en función do sexo, o rexeitamento de toda forma de discriminación e a garantía dunha orientación académica e profesional non condicionada polas diferenzas sexuais.

Mais alá de seguir unha normativa, e partindo do noso sentir, decidimos levar a acabo esta Obradoiro, que tratou de favorecer o achegamento do alumnado aos diferentes estudos e axudar a que poidan facer a súa escolla profesional coa menor cantidade de sesgos posibles. Evitando que o alumnado pense que hai profesións mais de chicos e outras de chicas.

Neste obradoiro contamos coa participación dun grupo de alumnos/as de 3º e 4º da ESO e profesorado do IES de Ribadeo Dionisio Gamallo, e do 1º curso do C.M.  de Atención a Persoas en Situación de Dependencia e do C.S. de Automoción, os cales grazas a su bo facer,  o traballo, implicación e apoio continuo dos titores e a profesora do módulo de Atención Sanitaria, conseguiron que chicos e chicas experimentaran tarefas e actividades propias de ámbalas dúas ensinanzas, dentro dun ambiente ameno, colaborativo, sensible, e respectuoso coas persoas e os traballos a desenvolver.

O pasado mércores 4 de Febreiro, a Xefa da Unidade de Violencia de Xénero da Subdelegación do Goberno de Lugo, Ana Belén Pacio Rodríguez, foi a encargada de impartir no salón de actos do CIFP  Porta da auga unha conferencia para afondar sobre a igualdade de xénero e a violencia de xénero.

Esta actividade forma parte do Plan Director para a convivencia e a mellora da seguridade escolar nos centros educativos e nos seus contornos, e ten como obxectivos principais sensibilizar ao noso alumnado contra a violencia de xénero e os estereotipos sexistas, así como detectar, previr e ou denunciar situacións de risco.

O pasado Xoves 29 de Xaneiro 2015, o noso centro tivo a oportunidade de disfrutar da visita das Forzas Armadas. Na charla a cargo de Jesús Longarela da Subdelegación  de Defensa de Lugo  tratáronse os sistemas de acceso para as escalas de tropa e marinería, Sub-oficiales e Oficiales. Características dos postos de traballo, formación permanente e específica, estudos universitarios, asi como detalles da recentemente publicada convocatoria 2015. Esta charla presentase como unha opción laboral máis, destacando a profesionalidade do relator adaptándose aos diferentes niveis  educativos, así como as súas necesidades e características.

Ademais houbo un tramo de rogos e preguntas na que o alumnado tivo a posibilidade de realizar cuestións de interese particular ao respecto.

ACTIVIDADE  CHARLA SOBRE PRIMEIROS AUXILIOS

PONENTE: Raúl  González- Redondo Ares. Técnico de deportes do concello de Mondoñedo.

DÍAS:  11 e 12 de  decembro.

Lugar:Salón de actos.

Cuestionarios que podes descargar e que che poden axudar: (necesario excel ou similar)

1. Cuestionario de aptitudes
2. Cuestionario de intereses profesionais