Iniciar sesión |
FP Dual Electromecánica de maquinaria (Curso 2017/18):No próximo curso ofertarase por primeira vez no noso centro o Ciclo Medio de Electromecánica de maquinaria en réxime de FP dual. Este réxime ten unhas implicacións de coordinación e relación con empresas moi superior ao réxime ordinario. Empresas do sector forestal manifestáronnos as dificultades que estaban a ter para poder contratar traballadores coa formación e capacitación adecuada, así que, tras contactar e reunirnos con estas e outras empresas do sector, comezamos a perfilar este ciclo de Dual, axeitado para formar traballadores produtivos nun prazo de tres anos, e co incentivo para os estudantes dunha remuneración económica por parte das empresas desde o primeiro momento. Os alumnos deste ciclo recibirán a maior parte da formación teórica de cada módulo no noso centro, a parte teórica máis específica e a formación práctica recibirana na empresa que lles corresponda. Os candidatos deben ter idades comprendidas entre os 18 e os 29 anos. Terán que superar un proceso de selección ( entrevista persoal na empresa correspondente), así como cumprir os requisitos de acceso. As empresas que van participar no proxecto son: Dingoma S.A: Empresa asturiana do sector de maquinaria forestal constituída no ano 1992. Están especializados na construción de Autocargadores, Equipos contra incendios, Equipos de compactado e Dumper, sita en Jarrio. Monra Forestal: Antigos talleres Ramón Castro. Empresa asturiana especializada na construción de cabezais procesadores e empacadoras enfardadoras de biomasa e residuos forestais, situada en Castropol. Fondrigo Maquinaria: Empresa asturiana especializada en Maquinaria agrícola e de construción, obra pública e urbana. Son importadores das marcas Schäffer e Westermann. Ubicada en Vegadeo. Talleres Rouco: Empresa galega situada no Valadouro. Están especializados na reparación e venda de todo tipo de maquinaria forestal, agrícola e de obras públicas. Tamén traballan con maquinaria de elevación e transporte. TECMAF: O centro técnico de maquinaria forestal foi fundado no 2005 e está situado no polígono de Barreiros. Traballan na reparación de todo tipo de maquinaria forestal cunha elevada especialización, posúen unhas instalacións de 3.600 m2 e realizan reparacións de maquinaria in situ. Logmax Iberia: Empresa de nova creación situada no Polígono industrial de Fazouro, importadora en España das marca suecas Eco log, Log Max, Bruks e a estadounidense C.B.I, especializada en maquinaria forestal.
CLUN: Cooperativas Láctea Unidas. A gran cooperativa galega colaborará connosco coa súa sección de maquinaria agrícola. ( categories: )
|
Comisión de Convivencia
|