Á volta de Semana Santa contarémosvos máis sobre a nosa hortiña, que grazas á iniciativa "A horta que queremos" impulsada polo Concello de A Coruña e a Fundación Repsol; estará preparada para que ao regreso das vacacións poidamos comezar a plantar froitas e verduras.
“Chamémoslle polo seu nome” é a campaña de concienciación sobre o autismo que realizou o alumnado de 6º A.
Coñecedores de que o 2 de abril é día mundial da conmemoración do autismo, realizaron diferentes actividades dentro da campaña que permiten ter un amplo coñecemento sobre que é o autismo. Entre elas, o alumnado quere compartir con vós este Genially que nos axuda a ter unha idea clara sobre as principais características do autismo.
Para máis información sobre a campaña consultade o blog:
O libro viaxeiro de Rosalía de Castro chega ás mans do alumnado de 6º A, procedente do CEIP Rosalía de Castro (A Coruña). Esta actividade ten como obxectivo dar a coñecer ao alumnado a riqueza e o valor da poesía. A proposta consiste en que o alumnado reproduza ou cree un poema e poda realizar a súa páxina no libro viaxeiro, tomando como base a poetista e icona da nosa cultura, Rosalía de Castro. Unha actividade enriquecedora na que participan diferentes colexios da nosa Comunidade Autónoma.
Aquí presentamos o que formará parte da páxina do colexio de Zalaeta, de creación propia por parte das alumnas e alumnos de 6º A.