MATRÍCULA

Consulta de prazos e descarga de documentos para matrícula

INICIO DE CURSO 11 DE SETEMBRO 2023

Posted Septembro 8th, 2023 by monica

MATRÍCULA

INICIO DE CURSO 11 DE SETEMBRO DE 2023

Para dar comezo ao curso escolar 2023/2024 o luns 11 de setembro a entrada do alumnado organizarase segundo o seguinte horario:

EUCACIÓN PRIMARIA

9:30h - 5º e 6º de Ed. primaria
10:15h- 3º e 4º de Ed. primaria
11:00h- 1º e 2º de Ed. primaria

O alumnado e acompañantes dirixiranse ao salón de actos na hora establecida, pola cancela principal do Edificio 1 (fronte ao bar). O alumnado quedará no centro ata as 14:00 horas.

EDUCACIÓN INFANTIL

11:45h- 5º e 6º de Ed. infantil

O alumnado e acompañantes dirixiranse ao salón de actos na hora establecida, polo patio de Educación infantil.

ENTRADAS E SAÍDAS PARA O CURSO 2023/24

Durante o curso escolar 2023/24, as entradas e saídas no centro realizaranse segundo os horarios e accesos que a continuación se detalla:

➢EDUCACIÓN INFANTIL:

ENTRADA: Patio de Educación Infantil.
Apertura da cancela ás 8:50 h.
Os/as acompañantes permanecerán co alumnado ata que entren no edificio coa súa titora. Cada grupo ten asignado un lugar para a formación das filas. Os adultos que recollan aos nenos e nenas ás 14:00 h esperarán nos sitios asignados para as filas para facilitar a entrega do alumnado.
As cancelas pecharanse ás 9:00 horas.

➢EDUCACIÓN PRIMARIA:

ENTRADA: Accederán ao recinto escolar polas dúas cancelas habilitadas para a entrada (Rampla da Rúa do Colexio e cancela da Rúa das Escolas).
Apertura das cancelas 8:55 h.
Os nenos e as nenas entrarán sos e dirixiranse directamente á súa aula.
As cancelas pecharanse ás 9:00 h.No Edificio II haberá unha mestra ou mestre na porta de entrada para controlar a entrada e a orde na subida.Durante a semana do 11 ao 15 de setembro, o alumnado de 1º de Primaria poderá ser acompañado por un adulto ata a entrada do edificio.

SAÍDA:

-1º, 2º e 3º de E. Primaria: Rampa da Rúa do colexio. Sairán das aulas acompañados/as dos seus titores e titoras.

-4º de E. Primaria: Cancela da Rúa das Escolas. Sairán acompañados/as dos seus titores e titoras.

-5º e 6º de E. Primaria: Cancela peonil do aparcamento EdificioIII. Sairán acompañados/as dos seus titores e titoras. O alumnado destes cursos que se vaian sos poderán saír por calquera das saídas do centro.

Prégase puntualidade para a apertura e peche das cancelas. O alumnado que chegue tarde deberá acceder ao centro pola cancela principal do Edificio I. Os nenos e nenas de 1º e 2º de Primaria esperarán nese edificio ata que algún mestre ou mestra os acompañe ata a súa aula. O resto de alumnado poderá ir só para a clase pasando previamente pola oficina da Admon.

RESERVA DE PRAZA NO CENTRO ADSCRITO

Posted Xaneiro 31st, 2020 by Anónimo

MATRÍCULA

RESERVA DE PRAZA NO IES PERDOURO PARA O CURSO 2024/2025

De conformidade co establecido na Orde da Consellería de Cultura, Educación, Formación Profesional e Universidades, do 21 de outubro de 2022 (DOG do 08/11/2022) e co Decreto 13/2022, do 3 de febreiro(DOG 11/02/2022) que regulan o procedemento de admisión do alumnado en centros docentes sostidos con fondos públicos:

RESERVA DE PRAZA: O alumnado que actualmente está cursando 6º de Educación Primaria no CEIP Plurilingüe Virxe do Carme e que pretenda continuar estudos de educación secundaria obrigatoria no centro adscrito que é o IES Perdouro (Burela) no vindeiro curso académico 2024/2025, deberá presentar o formulario (Anexo I) entre os días 15 de xaneiro e 5 de febreiro de 2024, ambos incluídos.

As familias poden cubrir o formulario de reserva de praza (Anexo I ) dende a aplicación "admsionalumnado" no seguinte enlace https://www.edu.xunta.gal/admisionalumnado/ a través do menú Solicitudes- Reserva-Crear solicitude de reserva.

Tamén poden obter unha copia do formulario na secretaría do noso centro, no arquivo que se xunta ao final deste documento ou ben poden descargalo da Sede electrónica da Xunta ( Código de procedemento ED550 A).

* É necesario que os 2 proxenitores asinen a solicitude independentemente de se están casados ou non (Anexo I bis). Débese presentar xunto cunha copia do libro de familia onde figure o/a alumno/a e os seus proxenitores. No caso de separación ou divorcio deberán achegar ademais a sentenza xudicial ou convenio regulador onde conste a custodia do/a menor.

Unha vez feito que cubriron a solicitude poden optar por:

-Imprimir dito formulario e achegalo á secretaría do noso colexio entre o 15 de xaneiro e o 5 de febreiro de 2024
-Se dispoñen de certificado dixital ou Chave365, presentalo en Sede Electrónica a través da aplicación

A listaxe definitiva de alumnado con posto reservado publicarase o día 22 de febreiro e poderá consultarse no taboleiro de anuncios situado no interior centro adscrito e do centro de adscrición ou a través da aplicación "admisionalumnado".

A listaxe provisional de admitidos no instituto publicarase o 25 de abril e a listaxe definitiva o 15 de maio de 2024.

* Aqueles alumnos/as que decidan matricularse noutro centro distinto do IES Perdouro deben presentar unha solicitude de admisión do 1 ao 20 de marzo no centro elixido.

Consultar manual da aplicación AdmisionAlumnado aquí

1 adxunto

MATRÍCULA CURSO 2024-2025

Posted Febreiro 27th, 2012 by Anónimo

MATRÍCULA

Anuncio do inicio do procedemento de admisión do alumnado para o curso 2024/2025

De acordo co establecido na Orde da Consellería de Cultura, Educación, Formación Profesional e Unversidades, do 21 de outubro de 2022 (DOG núm. 212 do 08/11/2022) pola que se desenvolve o Decreto 13/2022, do 3 de febreiro (DOG núm 29. do 11/02/2022), que regula a admisión do alumnado en centros docentes sostidos con fondos públicos que imparten as ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación:

ADMISIÓN ALUMNADO (Para alumnos que comezan en Educación Infantil con 3 anos ou que reservan praza en primaria para o vindeiro curso por cambio de centro):

As solicitudes de admisión constarán dun formulario normalizado Anexo II (ED550B) que será facilitado gratuitamente na secretaría do centro e tamén estará dispoñible para a súa presentación na Sede electrónica da Xunta de Galicia(https://sede.xunta.gal)e na aplicación AdmisionAlumnado (www.edu.xunta.es/admisionalumnado/).

Se dispoñen de certificado dixital ou chave 365 poden presentalo en Sede electrónica a través da aplicación.

Só se pode presentar unha única solicitude de admisión no centro que elixan como primeira opción podendo sinalar outro centros

Documentación que acompañará á solicitude:

-Documento acreditativo do requisito de idade do alumno/a (Copia do libro de familia ou DNI se o tivese)

-Copia do DNI da persoa solicitante e do resto dos membros computables da unidade familiar, só cando non autorice a consulta.

-No caso de pais separados a solicitude debe estar asinada por ambos proxenitores e acompañarase do convenio regulador ou resolución xudicial de separación ou divorcio.

-No caso de alumnado que se traslade de centro debe presentar un certificado de matrícula do centro de procedencia.

A solicitude de admisión cuberta e asinada xunto coa documentación que corresponda presentarase electrónicamente ou ben presencialmente no centro educativo elixido como primeira opción entre o 1 e o 20 de marzo de 2024.

NORMATIVA

Decreto 13/2022 do 3 de febreiro (DOG 11/02/2022) que regula a admisión de alumnado

Orde do 21 de outubro de 2022 (DOG núm 212, do 08/11/2022) que desenvolve o procedemento para a admisión do alumnado

*Publicación dos postos escolares vacantes para o curso 2024-2025 no taboleiro interior do centro educativo

ADMISIÓN PARA NOVOS ALUMNOS - CURSO 2024-2025
- PRAZO PARA A PRESENTACIÓN DE SOLICITUDES DE ADMISIÓN (ANEXO II)	- DO 1 AO 20 DE MARZO
- PUBLICACIÓN PROVISIONAL DO LISTADO DE ADMITIDOS E NON ADMITIDOS	- ANTES DO 25 DE ABRIL
- PUBLICACIÓN DEFINITIVA DO LISTADO DE ADMITIDOS E NON ADMITIDOS	- ANTES DO 15 DE MAIO
- FORMALIZACIÓN DA MATRÍCULA	- DO 20 AO 30 DE XUÑO

** Para a formalización da matrícula do alumnado que empeza en 4º de Educación Infantil (3 anos) será necesario acudir a secretaría do centro para encher o impreso de matrícula. A documentación que se debe achegar é a seguinte: