#OBXECTIVO5DEXUÑO. O MUNDO QUE QUEREMOS RETO CINTO VERDE

Os nenos e nenas do CEIP Valle-Inclán traballamos para construír o mundo que queremos. Cada ano no Club de Convivencia propoñemos un reto.

Este ano temos claro que queremos traballar para que a crise do coronavirus non se volva a repetir e para elo debemos coidar o noso planeta. Por iso este ano inspirámonos na Premio Nobel da Paz Wangari Maathai e o seu cinto verde en África.

Nós queremos facer un cinto verde nos montes de Vigo, e tamén no noso cole. No patio queremos mudar unha pista de terra, que parece un deserto, por un lugar onde a fauna e flora vivan en paz. A primeira das árbores plantámola o Día Escolar da Non Violencia e a Paz.

A maiores queremos crear un viveiro, como fixo Wangari, para coidar árbores e logo doalas. Queremos colaborar coa fundación Green Belt Movement en Quenia e a Mancomunidade de Montes de Vigo. Así como con calquera outra organización que se queira sumar ao noso pequeno cinto verde.

Temos de prazo ata o 5 de xuño, Día Mundial do Medio Ambiente. Para ese día soñamos con ter 1.000 pequenas árbores. O curso pasado queríamos 1.000 grúas, porque non este curso 1.000 árbores?

 

Para iso precisamos a vosa axuda: necesitamos sementes e brotes de árbores para poder coidar ata que estean preparadas e sexa o momento de levalas aos Montes de Vigo ou onde fagan falta.

Tamén precisamos terra, fertilizantes, macetas...

Axudádesnos a conseguir o noso reto? Facédenos chegar as vosas doazóns ao cole. Estaremos encantados e encantadas de recibilas e coidalas.

ENAPAS: ACOMPAÑAR O POTENCIAL DOS NENOS E NENAS

Xa temos preparada a nosa seguinte ENAPA que será o próximo luns 12 de ABRIL de 17:30 a 19:30.

 

Correrá a cargo de Natalia Guedella Sebastián, Psicóloga Educativa e Perinatal G-5137, formada en EMDR e Terapia Familiar.

 

Nela aboraderemos como “Acompañar ao potencial dos nenos e nenas”. Para elo centrarase en catro puntos:

1. Cerebro racional e cerebro emocional: cal é mellor?

2. Neurodesenvolvemento e aprendizaxe.

3. Intelixencias múltiples: acompañar e potenciar.

4. Nenos e nenas diferentes: necesidades diferentes.

 

Como xa comentamos a principal novidade deste curso é que o relatorio se realizará de xeito virtual, a través da ferramenta web para conferencias en liña que pon a disposición dos Centros Educativos a Consellería de Educación, CISCO WEBEX.

 

Precisamos inscrición para poder enviar o enlace a reunión. Así que se estades interesados/as non tendes máis que mandar un correo solicitando as claves de acceso: enapas.ceip.valle.inclan@gmail.com

 

 

 

 

 

Solicitude de praza

O vindeiro 1 de marzo comeza solIcitude de praza ordinaria.

 

Descarga o impreso aqui: IMPRESO

 

*PODES CONSULTAR TODA A INFORMACIÓN SOBRE O PROCESO DE ADMISIÓN NO SEGUINTE ENLACE

http://www.edu.xunta.gal/portal/familiasealumnado/escolarizacioneadmision

 

Postos Escolares Vacantes (Curso 2021-22)

 

VACANTES CURSO 2021-22

 

EI

8 (4º EI)

1º EP

20

2º EP

18

3º EP

17

4º EP

18

5º EP

2

6º EP

5

 

8 marzo: DÍA INTERNACIONAL DA MULLER TRABALLADORA 2021

 #XERACIÓN IGUALDADE

Hoxe estamos aquí para celebrar O Día Internacional da Muller. Estamos aquí para pedir a igualdade entre homes e mulleres, para reflexionar, para festexar os avances e para loitar pola superación dos obstáculos.

Sabemos que isto só se pode conseguir coa educación. Xa dende pequenos e pequenas temos que ser conscientes da importancia que ten convivir nunha sociedade xusta. Onde os nenos e as nenas teñamos as mesmas oportunidades, independentemente do sexo de nacemento. Isto nós o temos claro, porque somos da XERACIÓN IGUALDADE.

Queremos facer como Wangari Maathai, co seu exército de mulleres sementeiras, que crían nelas mesmas e no que estaban facendo aínda que algúns homes lles dixeran que iso non era un traballo para mulleres.

As nenas e nenos deste colexio comprometémonos a traballar pola igualdade entre homes e mulleres alí onde vaiamos.

Seguiremos loitando para vivir nun mundo máis xusto onde todos teñamos as mesmas oportunidades.

Non vos esquezades que somos a XERACIÓN IGUALDADE: POLOS DEREITOS DAS MULLERES!

Seremos colibrís. Farémolo o mellor que poidamos.

 

Este curso centramos a conmemoración no tema da IGUALDADE NO TRABALLO tal e como se acordou no Club de Convivencia. 

Para elo a fixemos un experimento social e debatemos sobre as desigualdade no traballo en función do xénero.

 

Podemos afirmar orgullosas e orgullosos que os resultados amosaron que os nenos e as nenas do Valle-Inclán son unha xeración moi concienciada coa igualdade de xénero.

      

ENAPAS: Como acompañar as primeiras manifestacións artísticas dos peques

Xa temos preparada a nosa seguinte ENAPA que será o próximo luns 15 de MARZO de 16:30 a 18:30.

 

Correrá a cargo de Ariane Góes, graduada en belas artes e creadora do Proxecto "Cera de Colores". 

 

Nela tratará de achegar ás familias unha pequena explicación sobre como podemos acompañar as primeiras manifestacións artísticas dos nenos e das nenas dun xeito respectuoso. 

 

Como xa comentamos a principal novidade deste curso é que o relatorio se realizará de xeito virtual, a través da ferramenta web para conferencias en liña que pon a disposición dos Centros Educativos a Consellería de Educación, CISCO WEBEX.

 

Precisamos inscrición para poder enviar o enlace a reunión. Así que se estades interesados/as non tendes máis que mandar un correo solicitando as claves de acceso: enapas.ceip.valle.inclan@gmail.com

 

ENTROIDO 2021: Ordes do Meco

O Meco manda! A nosa pantasma Valle-Inclán presenta as ordes do Entroido.

A desfrutar da festa máis tola do ano!

 

ENAPAS: Especialistas de atención a diversidade

Xa temos preparada a nosa seguinte ENAPA deste curso, que será o próximo martes 9 de FEBREIRO de 17:30 a 18:30.

 

Esta correrá a cargo das mestras especialistas da atención á diversidade do noso centro:  Isabel Vázquez e Beatriz Vila, mestras de pedagoxía terapéutica; Ana Garín, mestra especialista de audición e linguaxe e Mª Purificación Fernández, orientadora.

 

Nela tratarán de achegar ás familias unha pequena explicación sobre que é un DO: compoñentes, funcións, etc. e de que xeito apoian a labor do centro para alcanzar uns obxectivos comúns.

 

Como xa comentamos a principal novidade deste curso é que o relatorio se realizará de xeito virtual, a través da ferramenta web para conferencias en liña que pon a disposición dos Centros Educativos a Consellería de Educación, CISCO WEBEX.

Precisamos inscrición para poder enviar o enlace a reunión. Así que se estades interesados non tendes máis que mandar un correo solicitando as claves de acceso ao seguinte correo: enapas.ceip.valle.inclan@gmail.com

SOMOS NOTICIA DE NOVO

Este ano volvemos ser noticia co novo Proxecto Cinto Verde #obxectivo5dexuño. Queremos conseguir 1000 árbores para plantar en Vigo. Queres saber máis? Descúbreo nas seguintes novas.

 

 

 

 

 

 

  

Distribuir contido