O Diario Oficial de Galicia (DOG) ven de publicar a ORDE do 7 de maio de 2024 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25.
Información axudas libros de texto 2024-2025
Xa estamos a piques de que chegue o Entroido e dende o CEIP de Tabeaio imos realizar ao longo da semana que vén (do 5 ao 9 de febreiro) os Mandadiños da festa, que foron ideados polo alumnado de Primaria.
O luns 26 de febreiro de 16:30 a 17:30 horas terá lugar unha Xornada de Portas Abertas para quen queira vir coñecer o noso centro.
Pregámosvos que confirmedes asistencia a través do noso enderezo electrónico: ceip.tabeaio@edu.xunta.gal
Xa chegou o Nadal á nosa escola da man da nosa benquerida ANPA.
Converteron, con moito traballo e dedicación, a nosa escola nun estupendo poboado de Nadal.
O martes desfrutamos dunha gran festa a cargo da ANPA "Os rapaciños".
Comemos castañas, desfilamos, comemos larpeiradas, tivemos un concurso de cabazas e desfrutamos dun contacontos!
Velaquí podedes ver o ben que o pasamos.
Taller de primeiros auxilios
O venres, como anos pasados, levamos a cabo un taller de primeiros auxilios a cargo de dúas mamás do cole (María e Lucía).
Tamén aprendemos a canción da reanimación.
Gracias, María e Lucía!
A nosa biblioteca converteuse nun lugar aterrador!
Xa está aquí o Samaín!
Só os máis atrevidos e atrevidas serán capaces de aventurarse nesta chea de libros.
Polo de agora deixámosvos este conto tan divertido:
Corre, corre, cabaciña.
O curso escolar comeza o luns 11 de setembro de 2023 no horario habitual, agás para o alumnado de nova incorporación de educación infantil, que seguirá o horario do período de adaptación, sempre que sexa posible.
As reunións previstas durante o mes de setembro son:
-Reunión período de adaptación alumnado de infantil de nova incorporación ao centro: martes 5 de setembro ás 13:00 horas.
-Reunión grupal educación infantil: luns 25 de setembro ás 16:00 horas.
-Reunión grupal educación primaria: luns 25 de setembro ás 17:00 horas.
O Diario Oficial de Galicia (DOG) ven de publicar a ORDE do 10 de maio de 2023 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2023/24.