APRAZADO ATA SETEMBRO
A ANPA OS MUIÑOS CELEBRA O DÍA DO DEPORTE CUNHA GLADIATOR KIDS O 6 DE ABRIL ÁS 16:30H.
O día 6 de abril conmemórase o Día do Deporte, e para celebralo a ANPA OS MUÍÑOS, do Colexio As Solanas quixo realizar unha actividade lúdica para gozar en familia. Trátase dunha carreira na que se pode participar en familia (as nenas e nenos poden participar acompañados pola súa nai ou pai) e na que se irán superando obstáculos de diversa natureza: arrastrarse polo chan, subir empalizadas, etc.
En compensación do esforzo, ademais da diversión asegurada, os participantes recibirán unha medalla e un pequeño avituallamento de auga e froita, e a participación no sorteo de material deportivo por cortesía das tendas deportivas da Guarda (Paddy Sport e Atmosfera Sport).
Dende a ANPA animamos ás familias do centro a participar, sendo preciso facer inscrición previa no seguinte enlace: https://forms.gle/XbTznGMmW2JnMTAJA.
Probas como estas se realizaron na nosa contorna en paraxes como a Explanada do Horizonte ou a Alameda con grande éxito de participación e convertíndose en xornadas moi amenas e divertidas
A participación é gratuíta para os socios. Aquelas familias non socias poden facerse socias o mesmo sábado 6 para poder participar. Lembramos que a cuota de socio é 15€/ano por familia, independentemente do número de nenos escolarizados e da dereito a participar en tódalas actividades e servizos que organiza a ANPA: aula madruga, comedor, actividades, Festa de Fin de Curso.
A actividade conta co patrocinio de Augasana, Froitas Carmiña, Atmósfera Sport e Pady Sport e a organización da empresa de deporte NOKO 360.
.
