CEIP PLURILINGÜE de SAN ROQUE - CORÓN

O alumnado de 2º de Primaria, para conmemorar o Día Internacional da Muller, fixo unha lectura compartida do libro "Cuando las niñas vuelan alto" para Infantil e 1º de Primaria que foi todo un éxito!!!!

Un pouco de historia

Día Internacional da Muller: por que o 8 de marzo

O 8 de marzo, conmemórase o Día Internacional da Muller na maioría dos países. O 8 de marzo —declarado oficialmente pola ONU en 1975— reivindícase a todas as mulleres e a igualdade completa de dereitos.

A idea dun día internacional da muller xurdiu a finais do século XIX, pero foron distintos sucesos no século XX os que derivaron na conmemoración que coñecemos hoxe. Un deles, quizá o máis simbólico, pero non o único, produciuse o 25 de marzo de 1911, cando unhas 149 persoas, a maioría mulleres morreron no incendio da fábrica Triangle Shirtwaist de Nova York.

O suceso revelou as penosas condicións nas que traballaban as mulleres, moitas delas inmigrantes e moi pobres. O suceso non foi único —houbo outro incendio en circunstancias similares tres anos antes—, pero suscitou grandes mobilizacións e marcou no calendario un día que xa se empezou a conmemorar dous anos antes tamén na cidade de Nova York, onde as mulleres socialistas —tras unha declaración do partido en Estados Unidos— conmemoraron por primeira vez o Día Nacional da Muller. Era o 28 de febreiro de 1909 e máis de 15.000 mulleres saíron á rúa para reivindicar mellores salarios, redución da xornada laboral e o dereito ao voto.

• Hoxe no noso cole 

Para conmemorar este día Repoluga, mascota da nosa Bibliocorón, fixo unha selección de libros sobre o tema das mulleres e expoñéronse na entrada do centro para que as diferentes clases puideran collelos para traballar na clase.

O alumnado de 2º de Educación Primaria prepararon e leron o libro "Cuando las niñas vuelan alto" ás nenas e nenos de Educación Infantil e de 1º de Educación Primaria.

Nas clases de Educación Infantil e de 1 e 2º de Educación Primaria elaboraron unha coroa e os cursos superiores un mural dando as grazas ás mulleres que aportaron algo o noso mundo.

• PRAZO DE PRESENTACIÓN DE SOLICITUDES DE ADMISIÓN

Do  1 de MARZO ao  20 de MARZO 2023

• DOCUMENTACIÓN

- Fotocopia do DNI do alumno e copia do libro de familia ou documento equivalente onde figure o/a alumno/a e os demais membros da unidade familiar.

                      -  De se dar o caso, sentenza xudicial de separación ou divorcio e/ou convenio regulador onde conste a custodia do menor.

                      -  Copia do DNI do solicitante e membros computables da unidade familiar cando se opoñan á consulta automática dos datos.

 - Información para as familias monoparentales, PREMER AQUÍ 

IMPORTANTE: A solicitude, xunto co Anexo II Bis deberá vir asinada polos dous proxenitores, titores ou acolledores do menor.

• FORMAS DE PRESENTAR AS SOLICITUDES

1. Cubrir a solicitude informáticamente e presentala asinada de xeito manual no centro:  ADMISIONALUMNADO xunto coa documentación. 

2. Na sede electrónica da Xunta   mediante Chave365 ou Certificado Dixital. A solicitude faise na sede, onde se sobe a documentación escaneada. Neste caso non é necesario entregar nin a solicitude nin a documentación no centro, sempre que se complete correctamente o procedemento.

3. No centro. Hai que recoller o  impreso ED550B, cumprimentalo, asinalo e presentalo xunto coa documentación. 

• NORMATIVA

• DECRETO 13/2022, de 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación Anexo I

•  Orde de 21 de octubre de 2022 polo que se desenvolve o Decreto 13/2022, do 3 de febreiro, e se regula o procedimiento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánicaca 2/2006, do 3 de mayo, de educación (DOG nº 212 do 8 de novembre de 2022).

• ASPECTOS IMPORTANTES DA ORDE A TER EN CONTA:

Cada alumno e alumna só pode presentar unha única solicitude no centro no que solicite praza en primeiro lugar. De presentarse máis dunha solicitude ou se se comproba a falsidade ou uso fraudulento da documentación achegada perderá os dereitos de prioridade que poidan corresponderlle.

O alumnado que ten garantía de permanencia nun centro, se presenta solicitude de admisión noutro distinto deberá comunicalo ao centro de orixe.

• OFERTA DE VACANTES

Informamos de que  as listaxes non poden ser publicadas no taboleiro exterior do centro nin na web, xa que a Axencia Nacional de Protección de Datos así o indica, polo que soamente serán expostas no taboleiro interno do centro. De todos xeitos, seguiremos informando a través desta vía durante todo o proceso.

 Calendario do proceso

 ⇒ Presentación da solicitude de admisión: 1 – 20 de marzo (ambos incluidos).

 ⇒ Presentación da documentación acreditativa dos criterios de baremo: 10 días hábiles contados a partir do día seguinte á finalización do prazo para presentar as solicitudes de admisión.  Do 21 de marzo ao 11 de abril. 

 ⇒ Publicación das listaxes provisionais de persoas admitidas e non admitidas:  25 de abril.

 ⇒ Reclamación das  listaxes provisionais de persoas admitidas e non admitidas:  do 26 de abril ao 3 de maio. (na secretaría do centro onde presentou a solicitude)

 ⇒ Publicación das listaxes definitivas de persoas admitidas e non admitidas: 15 de maio.

 ⇒ Reclamación das listaxes definitivas de persoas admitidas e non admitidas, no prazo de 1 mes presentación de Recurso de alzada ante o Xefe Territorial de Educación de Pontevedra.

 ⇒ Formalización da matrícula en educación infantil e primaria: Do 20 ao 30 de xuño, (en xuño publicaremos máis información sobre este punto).

  ⇒ Formalización da matrícula en ESO: Do 23 de xuño ao 07 de xullo. (consultar na páxina web do centro de Ensinanza Secundaria onde se vaia a formalizar a matrícula por se teñen uns días específicos para a matrícula de cada curso)

O noso centro participou do 28 de novembro ao 9 de decembro na Campaña de recollida de alimentos e productos de hixiene colaborando ca Asociación "Donamos y te ayudamos".

A recollida foi todo un éxito e damos as grazas a todos os que participaron.

O alumnado ten que ver a importancia de ser solidarios e cando as familias donan noutros establecementos os nenos e nenas non son moi conscientes desa colaboración.