Skip to Content

Extraescolares e complementarias

CONCELLO DA CORUÑA: LISTAXES DE BOLSAS COMEDOR- CURSO 2023-2024

Mar, 18/07/2023 - 14:57 — admin

O Concello da Coruña infórmanos de que, dende o 17 de xullo de 2023,  está publicada no enderezo web do taboleiro de anuncios e edictos do Concello,a listaxe provisional de concesións e denegación das solicitudes de bolsas municipais de comedor  para o curso 2023-2024. Os listados identificarán as solicitudes atendendo ao número de expediente asignado.

Pódense consultar nas seguintes ligazóns:

 -   Taboleiro de edictos

-   Páxina web de servizos sociais

-   Taboleiros dos centros cívicos municipais

Máis información sobre trámites, prazo de alegacións, etc., no arquivo adxunto: Becas comedor.

MÚSICA E EVOLUCIÓN

Sáb, 13/05/2023 - 12:47 — admin

O pasado luns o alumnado de 4º, 5º e 6º de Educación Primaria asistiu a un concerto explicativo da man dos músicos Rosa e Pablo.

O alumnado tivo a oportunidade de coñecer o porqué dalgúns roles do ser humano na sociedade explicado a través da música tradicional galega.

Todo, ao tempo que se informaban sobre a evolución dos instrumentos galegos que coñecen hoxe en día e da importancia da música na sociedade xa desde as orixes da humanidade e ata os nosos días.

A conclusión foi que a música abarca moitos ámbitos da nosa vida redundando con importantes beneficios en cada un de nós como seres humanos e en conxunto como sociedade.

Velaquí algunhas imaxes da actividade.

 

LETRAS GALEGAS

Xov, 04/05/2023 - 15:43 — admin

Ola! Estamos moi contentos de anunciar que o profesorado do equipo TIC preparou un Genially fantástico para celebrar o día das Letras Galegas! O Genially é unha forma interactiva e divertida de aprender. Esperamos que vos guste tanto como a nós.

A HORTA ESCOLAR: SEMENTANDO APRENDIZAXES

Xov, 20/04/2023 - 13:28 — admin

Comprácenos informar que no colexio continuamos a traballar no noso horto escolar. Este ano contamos coa participación e a iniciativa do proxecto "A HORTA QUE QUEREMOS", do Concello de A Coruña e a Fundación Repsol, a quenes queremos agradecer a súa colaboración neste labor.

A través deste proxecto, o noso alumnado está a aprender a cultivar as súas propias verduras e hortalizas, fomentando unha alimentación saudable e sostible. Ademais, están a adquirir habilidades valiosas no coidado do medio ambiente e o traballo en equipo.

Esperamos poder compartir pronto os froitos do noso traballo.

PROXECTO SEMENTE. PARTICIPAMOS OS DE 5º EP!!!

Xov, 20/04/2023 - 11:41 — admin
Onte, unha representación das cooperativas que creamos en 5º curso de EP, impulsadas polo Proxecto Semente, fomos ao Concello solicitar a licenza de venda dos nosos produtos.
Estabamos moi nerviosos pero saíu todo xenial.
Alí coñecemos a nenos e nenas doutros colexios. O acto celebrouse no Salón de Plenos, un lugar belísimo, case tanto coma nós, que fomos moi elegantes.
A alcaldesa felicitounos e animounos a seguir traballando porque o mercado xa será o vindeiro 19 de maio.
Queda pouco tempo e moito por facer.

Ademais Pablo Díaz Bouza entrevistounos para o programa "Hoy por hoy", de Radio Coruña. Mirade que ben falamos...

(Audio)
 

Seguiremos informando, querido colexio.
 
 
 
 
 
 
 
 
 

ENTROIDO 2023

Mér, 01/03/2023 - 23:14 — admin

Aquí deixamos un recordo do paseo artístico do noso entroido. 

</div

DESCUBRINDO O MUNDO DA ARTE

Mér, 01/03/2023 - 16:34 — admin

Este ano, na aula de 4ºA aproveitamos o entroido para traballar o mundo da arte a través de diferentes artistas e cadros importantes da historia da Arte realizando unha exposición, foi todo un éxito!.

XORNADA DE PORTAS ABERTAS

Xov, 02/02/2023 - 22:38 — admin

DÍA DA NON VIOLENCIA E DA PAZ

Mér, 01/02/2023 - 20:13 — admin
O luns 30 de xaneiro celebramos o Día Escolar da Non Violencia e da Paz. 
Desde o CEIP San Francisco Javier queremos promover a paz nas relacións cos demais.
O alumnado elaborou nubes con mensaxes con desexos de paz, de tolerancia, de igualdade e de solidaridade;  leu un manifesto e cantou unha canción que expresan a necesidade dunha sociedade que fomente o valor da paz.
Agradecemos ao alumnado o entusiasmo e ao profesorado a colaboración neste día.
 

COMEZAMOS CO PROGRAMA TEI

Mar, 24/01/2023 - 20:29 — admin

Esta semana comezamos o programa TEI (Titoría entre iguais) co alumnado de 3º e 5º de Primaria. Cada rapaz e rapaza coñeceu á parella que lle acompañará ao longo de todo o curso e realizaron a primeira actividade xuntos. Foi un éxito!

 

Distribuir contido


by Dr. Radut