Estimadas familias,
Un ano máis ENKI quenta motores, e entre o 5 e o 10 de outubro deste ano, ponse en marcha a maior carreira pola inclusión de Galicia.
Este ano imos a participar como centro, desde 5º EI ata 6º EP, adaptándonos á nova realidade que estamos a vivir.
Detrás de ENKI está a Fundación Abrente, que traballa por un mundo máis inclusivo a través do deporte, dende o ano 2013 e que ten como obxectivo principal o de dar a coñecer a diversidade funcional.
Por iso, dende o cole queremos fomentar estos valores que ENKI nos transmite e organizar unha carreira na que participe todo o centro e baixo o lema “#Jugamosencasa”. Nela, o alumnado levará un dorsal creado no centro e participará nunha carreira de obstáculos que terá lugar en horario escolar.
Ademais, como familias podedes participar e inscribirvos de xeito totalmente voluntario. Toda a información está na súa páxina web: www.enkiproyecto.com
De optar pola inscripción, indicar o nome do neno ou da nena e o nome do colexio.
Independentemente de facer ou non a inscrición e o pagamento, o alumnado participará igualmente na carreira, cos dorsais que lle entrega o colexio.
Reciban un cordial saúdo.
