Familias

DÍA ESCOLAR DA NON VIOLENCIA E DA PAZ

Hoxe, coma todos os anos, celebramos o día escolar da Non Violencia e da Paz.

Sabedes que é a PAZ? PAZ significa convivir todos xuntos sen pelexas, aceptando que somos diferentes.

Que podemos facer nós para que haxa PAZ ao noso arredor? Non podemos evitar as guerras nin as inxustizas dos adultos, iso téñeno que facer eles, pero si podemos aportar o noso gran de area para que no colexio non haxa conflitos e todos podamos traballar en PAZ.

Por iso, entre todos e todas, fixemos este decálogo recollendo todas as ideas das aulas:

1. Axudámonos entre todos. No colexio todos somos compañeiros e compañeiras.
2. Respectamos sempre as normas e non molestamos nin nos rimos dos demais.
3. Compartimos as cousas e non quitamos aos demais as súas.
4. Arranxamos os problemas falando. O diálogo é a solución, a violencia non soluciona nada.
5. Recoñecemos os nosos erros e corrixímolos.
6. Pedimos perdón cando nos equivocamos.
7. Respectámonos porque todos somos diferentes. As diferenzas enriquécenos.
8. Se vemos que algo malo está acontecendo non miremos cara a outro lado porque a alguén lle está doendo.
9. Todos merecemos que nos traten coma os demais porque siplemente somos un máis.
10. O colexio é divertido se ninguén se sinte excluído.

E agora chegou o momento no que xuntamos as nosas voces para cantar a canción "NUN MAR AZUL".

Desde o CAFI ofertan ás familias un curso sobre urxencias sanitarias que se celebrará en Santiago de Compostela.

Os datos da actividade son:

- Título: "S1802021_Atención a urxencias sanitarias para familias"
- Datas de realización: 16, 23 e 30 de xaneiro
- Hora: 17:00 - 20:00
- Lugar: CIFP Compostela

As persoas interesadas en apuntarse remitirán antes do 15 de xaneiro un correo a xcarlosro@edu.xunta.es

Esperamos sinceramente que a formación resulte do voso interese.

NO COLEXIO ESTAMOS A FACER UNHA CAMPAÑA DE RECOLLIDA DE ALIMENTOS DO 26 AO 30 DE NOVEMBRO

            ALIMENTOS PRIORITARIOS:

                                            ACEITE

                                            FABAS

                                            LEITE

                                          CALDOS

                                    SOPA DE SOBRE

                                   SALSA DE TOMATE

                                 PRATOS PREPARADOS

                                CUEIROS TALLAS 5 E 6

                                 LEITE INFANTIL Nº 3

                           CONSERVAS DE TODO TIPO

 A organización de Pilabot tomou a decisión de ampliar o prazo de inscrición para o Concurso #eusonpilabot, co fin de continuar recibindo fotografías por parte dos alumnos e alumnas que desexen participar no concurso.

Lembrámosvos que se trata dun concurso de fotografía creativa, no que a rapazada poderá participar a título individual e gañar unha tablet, un altofalante bluetooth ou unha pulseira fitness. A elección dos gañadores terá lugar na páxina de Facebook, onde se publicará unha selección coas fotografías finalistas presentadas, de maneira que as tres que consigan máis “me gusta” terán premio.

NOVO PRAZO DE INSCRICIÓN

Poderánse inscribir a través do formulario web http://pilabot.gal/eusonpilabot ata o día 31 de xaneiro ás 18:00 h. 

REQUISITOS

Tan só precisan o uso da caixa que levaron para recoller pilas na casa, algunhas pilas e moita creatividade. Cómpre ter coidado coa presenza de personas, xa que en tal caso, non deben figurar rostros recoñecibles. Na ligazón http://pilabot.gal/eusonpilabot atópanse as bases legais e toda a información precisa para participar: requisitos, documentos de autorización para que asinen os titores dos menores e o formulario de inscrición.

Pilabot, abriu o prazo de inscrición para o Concurso #eusonpilabot. 

 Trátase dun concurso de fotografía creativa, no que as alumnas e alumnos do centro poderán participar a título individual e gañar unha tablet, un altofalante bluetooth ou unha pulseira fitness. A elección dos gañadores terá lugar na páxina de Facebook, onde se publicará unha selección coas fotografías finalistas presentadas, de maneira que as tres que consigan máis “me gusta” terán premio.

PRAZO DE INSCRICIÓN E REQUISITOS

 O alumnado que desexe participar poderá enviar as súas fotografías ata o vindeiro venres 25 de xaneiro.

 Na ligazón http://pilabot.gal/eusonpilabot atópanse as bases legais e toda a información precisa para participar: requisitos, documentos de autorización para que asinen os titores/as dos menores e o formulario de inscrición.

O CEIP de Roxos inscribímonos no concurso PILABOT. Ler máis

O xoves 17 de xaneiro de 2019 recollen os bidóns de pilas.