Familias

Dende a Dirección Xeral de Saúde Publica da Consellería de Sanidade fannos chegar información relativa ao coronavirus (COVID-19) que resulta de interese para os centros educativos

Para acceder a información enviada por dita Dirección Xeral, clicar aquí.

MeteoGalicia alerta dun fenómeno meteorolóxico adverso de nivel LARANXA por refachos de vento superiores a 100km/h, que comezará mañá, mércores día 18.12.2019 ás 09.00 horas e prolongarase ata as 15:00 horas. Este adverso afectará ás zonas de predición meteorolóxica do oeste da provincia da Coruña, a Mariña e a montaña de Ourense.

Ante a devandita situación de risco, a Comisión Escolar de Alertas acordou o seguinte:

1. A SUSPENSIÓN DE ACTIVIDADES NO EXTERIOR nos centros educativos situados nas zonas de predición meteorolóxica afectadas.
2. A autoridade educativa comunicará esta incidencia ás direccións dos centros escolares afectados, solicitando que leven a cabo esta medida e fagan un seguimento dos partes meteorolóxicos durante a xornada na que se desenvolverá este adverso.
3. Para o caso de que as circunstancias da localidade onde se atopa o centro, supuxesen un risco superior ao declarado e pasase a unha declaración de nivel superior, as direccións poderán adoptar as decisións oportunas respecto da suspensión das actividades extraescolares.

Acta. LIGAZÓN

Esta campaña desenvolverase na estación invernal de CABEZA DE MANZANEDA e poderán participar os nenos e nenas empadroados nun concello da provincia de A Coruña, de 11 a 15 anos inclusive (cumpridos a 31 de decembro de 2020). Terán preferencia os/as rapeces/zas que non foran a ningunha campaña da neve da Deputación.

A duración da actividade será de 4 días, de venres a luns, con entrada na estación o venres pola mañá e saída o luns despois da comida. Esta proposta inclúe transporte, estadía e manutención na estación invernal, monitores, clases de esquí, seguros, alugamento de material, remontes mecánicos e todo o gasto que ocasionen as actividades e cursos programados.

A Deputación da Coruña asignoulle ao Concello de Santiago 20 prazas para participar na 2ª quenda: do 31 de xaneiro ao 3 de febreiro de 2020.

Para poder acceder ás prazas do Concello de Santiago haberá que estar empadroado (farase a oportuna comprobación no padrón de habitantes) e presentar a ficha de inscrición debidamente cuberta en calquera dos Rexistros do Concello:

• Rexistro Xeral: R/ Presidente Salvador Allende, 4 Baixo (Galeras)
• Rexistro Auxiliar do Ensanche: Rúa Frei Rosendo Salvado, 14-16 (Centro Sociocultural)

A ficha de inscrición está colgada en internet:

• www.dacoruna.gal/deportes/esqui
• www.santiagodecompostela.gal
• www.deportes.santiagodecompostela.gal

A data límite de presentación da solicitude remata o mércores 4 de decembro.

No caso de ter máis solicitudes ca prazas realizarase un sorteo público ante o Secretario do Concello para a adxudicación das mesmas.

Os adxudicatarios das prazas terán que aboar a cota de inscrición de 85 € e completar a documentación necesaria para a inscrición oficial que establece a Deputación: foto tipo carné, fotocopia da tarxeta sanitaria, fotocopia do carné de identidade ou libro de familia, copia do aboamente da cota de inscrición e, no caso de que o neno/a tivese tratamento ou doenza que teña que ser tido en conta, achegarase certificado médico asinado por facultativo/a (de igual xeito, no caso de medicación específica ou alerxia alimentaria ou doutro tipo).

Para calquera dúbida ao respecto por parte dos interesados, poden charmar ao Departamento de Deportes ao teléfono 981 528 730 en horario de 09:00 a 14:00 horas.

Información+inscrición. Picar aquí

Cartel. Picar aquí

Calendario coas reunións previstas de información sobre o funcionamento dos servizos de madrugadores e comedores na Rede de Centros Públicos de Educación Infantil e Primaria de Santiago de Compostela. Picar aquí.