Un ano máis o noso alumnado e profesorado da Aula Especifíca participaron no "V Concurso de Dibujo y Redacción Jóvenes y Mayores" organizado por "La Región"... e un ano máis foron premiadas! Desta volta foi a quenda de Tatiana, que gañou o primeiro premio dentro da categoría de Educación Especial cun traballo de debuxo onde aparecen ela e a súa avoa Lola indo a mercar as cousas que precisaban para cociñar xuntas. Formidable traballo de Elena, Estefanía, Tatiana, Xavi e as súas familias!

O noso pobo do Nadal xa está instalado no patio das bolboretas! Todas as familias poden visitalo de luns a xoves de 15.15 ás 16.00. O acceso farase pola cancela automática e haberá carteis para indicar onde está situado.

Moitas grazas a todas as familias que participaron nesta actividade e ao Equipo de Actividades Complementarias e Extraescolares do centro por idear, coordinar e facer realidade esta "vila tan chula"!

Informamos que segundo o calendario escolar fixado pola Consellería de Cultura, Educación, FP e Universidades, os vindeiros LUNS 5 e MARTES 6 DE DECEMBRO non haberá clases. A actividade lectiva reanudarase o mércores, sete (7) de decembro no horario habitual.

Informamos que segundo o calendario escolar fixado pola Consellería de Cultura, Educación, Formación Profesional e Universidades, os vindeiros LUNS 31 de OUTUBRO e MARTES 1 de NOVEMBRO non haberá clases.

A actividade lectiva reanudarase o MÉRCORES, DOUS (2) de novembro no horario habitual.