Ven a coñecer o noso cole!

Fai clic na imaxe para ver unha presentación do noso cole:

DIA DE ROSALIA 2024

Desde o Equipo de Dinamización de Lingua Galega, celebramos a conmemoración do Día de Rosalía, 23 de febreiro, coa actividade "Rosalía Universal".

A idea foi facer unha compilación de fotografías de monumentos, rúas, centros educativos, bibliotecas... nas que se fai referencia á autora, comprobando así o alcance que teñen a súa figura e a súa obra.

A participación foi espectacular, tanto por parte do alumnado como do profesorado, o que agradecemos enormemente.

O resultado é, este marabilloso mural, no que así homenaxeamos a nosa autora máis universal. 

Ademais, para celebrar este propio día o alumnado de Ed. Infantil realizou esta pequena interpretación cos

seus debuxos da canción "Rosalía pequeniña" de Uxía Senlle. Por aquí vos deixamos o vídeo:

ENTROIDO DE PELICULA

O Cole de Carril hoxe vestiuse de cine para celebrar o Entroido!! 

Por aquí vos deixamos algunhas imaxes, fai clic nos documentos adxuntos para velas en maior tamaño:

  

   

  

 

 

                                       

 

Boa fin de semana!!!

MANDATOS DO MECO 2024

O entroido xa está aquí....

Compartimos con vós os mandatos do Meco deste curso 2023-24 para comezar o vindeiro luns 5 de febreiro.

 Preparados? Luces, cámara... e acción!

Aviso importante: Por motivos da previsión meteorolóxica, o noso desfile clásico con merendola típica de Entroido coas familias,previsible para o venres 9, será aplazado para o venres 16. Polo tanto, o venres 9 cada neno/a poderá vir disfrazado/a de temática libre, pois teremos "clase normal" no seu lugar. Agardámosvos!

 

CONCURSO TIC: PREMIAD@S

 

A profe Paula foi a encargada de entregar os premios aos gañadores do concurso TIC deste curso escolar dentro do proxecto viaxando pola cine.

Noraboa aos gañadores/as!!! 

Reserva de praza para o IES O Carril

Lembramosvos que xa está aberto o prazo para entrar na aplicación AdmisiónAlumnado, para que as familias de 6º de Primaria poidades reservar praza no IES O Carril (adscrito ao noso centro).

Preferiblemente débese facer en línea mais se alguén ten dificultades recordade que no centro temos o formulario a cubrir en papel pois o prazo remata o vindeiro luns 5 de febreiro

Aclaracións: No caso do alumnado que non teña previsto cursar a ESO no IES adscrito, terá que agardar a presentar de xeito presencial o formulario correspondente no IES escollido en marzo

 

Nota: Se alguen quixera renunciar á reserva xa feita no instituto de Carril tendes de prazo ata o día 28. Se algun/algunha tivera dúbidas que o teña en conta xa que a reserva non é vinculante. 

O MELLOR COLE CON LUCES DO PLANETA!

 Queremos desexarvos Bo Nadal e unhas Felices Festas. Que este ano novo siga sendo de cine!

Lembrade que o día 8 de xaneiro, despois das vacacións, vos agardamos cos brazos abertos. 

REUNIONS INICIAIS FAMILIAS

 Por aquí vos deixamos un pequeno resumo das reunión iniciais da Etapa de Ed. Primaria:

Agardamos que vos sexa útil e que teñades un bo comezo de curso!

UN CURSO DE PELÍCULA

ARRANCAMOS CURSO 2023-24 

Este curso será de película, e para celebralo no primeiro día de clase as mestras e mestres do noso cole recibiron aos protagonistas desta película vestidos de personaxes relacionados co sétimo arte.

 Tamén houbo máis sorpresas, decoración cinematográfica e sesión de cine con palomitas.

 

INFO PARA AS FAMILIAS: EDIXGAL

Folleto informativo para as familias con información sobre EDIXGAL

SOLICITUDE DO SERVIZO COMPLEMENTARIO DE COMEDOR ESCOLAR - CURSO 2023/24

Informamos a tódalas familias que solicitaron praza de comedor para o vindeiro curso 2023/2024 que é preciso que entreguen cuberto no centro o documento da autodeclaración.

O prazo para entregalo é ata o 13 de xullo en horario de 9:30 a 13:00

Dispoñedes do documento impreso na entrada do centro ou podedes descargalo no seguinte adxunto.

 

LISTAXE DEFINITIVA DO FONDO DE LIBROS E AXUDAS PARA A ADQUISICIÓN DE MATERIAL ESCOLAR E LIBROS DE TEXTO

Xa está publicada a listaxe definitiva do Fondo de Libros así como a das axudas para a adquisición de material e libros de texto.

Os interesados/as poderán consultar o estado do seu expediente na seguinte ligazón https://www.edu.xunta.gal/fondolibros accedendo á aplicación no menú "Cidadán", coa chave 365, ou ben, consultalo no taboleiro de novas que se atopa no interior do centro. 

A entrega dos libros, dos cheques de material e dos vales para a adquisición dos libros de texto será nas seguintes datas:

1º e 2º curso: martes, 5 de setembro

3º e 4º curso: mércores, 6 de setembro

5º e 6º curso: xoves, 7 de setembro

 

Excepcionalmente, no caso de ter varios fillos en diferentes cursos, poderán vir a recollelos xuntos en calquera das datas indicadas.

 

LISTAXE PROVISIONAL: FONDO LIBROS, AXUDAS MATERIAL E LIBROS DE TEXTO

Estimadas familias ,
Dende o día de hoxe, xa está publicada a listaxe provisional do Fondo de Libros así como a das axudas para a adquisición de material e libros de texto.
Os interesados/as poderán consultar o estado do seu expediente na seguinte ligazón https://www.edu.xunta.gal/fondolibros accedendo á aplicación no menú "Cidadán", coa chave 365, ou ben, consultalo no taboleiro de novas que se atopa no interior do centro.
As reclamacións serán admitidas ata o xoves día 6 de xullo ata as 12h

Distribuir contido

Back to top