A nosa querida Miguiña, esta vez representando ao MECO, invítanos a vir disfrazados durante a vindeira semana. Iremos informando das distintas opcións que nos vai propoñer. Aquí vos deixamos a primeira, para vir o luns.
Este Lipdub foi preparado e realizado íntegramente pola comunidade educativa do CEIP "Ricardo Tobío". A música e a letra son orixinais, e as voces son do noso alumnado. Todo foi organizado con moito cariño entre profesorado e alumnos.
Recomendamos que o vexades en alta definición (1080 HD).
As cousiñas que non se venderon no mercadiño de Muros, estámolas vendendo no colexio, no noso MERCADO particular. Ademáis de colaborar con obras humanitarias, o noso alumnado estará mellorando a competencia matemática ao ter que manexar cartos, levar contabilidade do vendido e facer estatísticas do recadado. Durante tres días e por turnos, todo o alumnado poderá converterse en tendeiro.
