Skip to Content

ABELLIÑAS

Xa que no cole estamos traballando o tema das ABELLAS, alumnado e mestras de Educación Infantil disfrazámonos hoxe de abelliñas. E que ben o pasamos! Baile, xogos e diversión. E mañá máis...

Queredes ver máis fotos? Pois pinchade aquí para visitar a galería

VISITA DOS CONTACONTOS DE KALANDRAKA

 

Hoxe Sara e Álex visitaron o colexio. Alex co seu acordeón e Sara contando preciosos contos fixeron pasar un rato inesquecible aos máis pequenos da escola.

Día da Paz

O día 30 de xaneiro celebramos o día da Paz. Por iso, organizamos una serie de actividades: unha grande árbore feita coa colaboración de todo o alumnado, frases sobre a paz para decorar os chanzos das escaleiras do colexio, .... Participamos tamén nun acto colectivo no ximnasio onde o alumnado compartiu as súas frases sobre a paz e cantamos a canción de Antonio Flores "No dudaria".

Tamén fixemos unha recollida de alimentos para colaborar co banco de alimentos Rías Altas, grazas á participación e solidariedade de todas as familias.

 

 

OS MEUS AMIGOS DA GRANXA

Hoxe contamos no colexio coa presenza dun grupo de músicos, estudantes do Conservatorio da Coruña. Interpretaron para o alumnado de Educación Infantil un conto musicado titulado Os meus amigos da granxa. 

Foi unha sesión divertida, amena e instructiva. Disfrutamos da música, do conto, aprendemos os nomes dos instrumentos... Unha sesión para repetir.

 

VISITA AO MUSEO DE BELAS ARTES

Como cada ano, o alumnado de educación infantil visita o Museo de Bellas Artes da Coruña. Aquí , a través dunha visita guiada os nenos e nenas aprenden a mirar os cadros e interpretalos. Esta visita artística remata cun taller no que cada un fai a súa propia obra de arte.

OBRADOIROS: NADAL SEN CONSUMO

O alumnado de 3º, 4º, 5º e 6º participou nos obradoiros Nadal sen consumo, organizados dentro do programa Ao meu xeito!. Da máxica man de Maruxa Popins (Ánxela Blanco) a cooperativa Rexenerando abre un diálogo para redescubrir as orixes desta celebración e buscar un Nadal sen consumo, sostible e respectuoso.

 

TRINKE TRINKE VISÍTANOS DE NOVO

Dentro das actividades desenvolvidas no programa municipal Ao meu xeito! volvemos a contar de novo con Trinke Trinke. Esta vez, Lili Gruyere preséntanos contos para protexer á infancia dos abusos sexuais na sesión titulada "Non. Aí non". Como sempre tratando de promover a lectura e estimular a sensibilidade, a imaxinación e o espíritu crítico de nenos e nenas a través da narración de contos.

Como sempre, grazas a Trinke Trinke disfrutamos e aprendimos grandes e pequenos.

Día Internacional contra a Violencia de Xénero

O 25 de novembro foi o Día Internacional contra a Violencia de Xénero. No centro fixemos unha pequeña escolma de contos que nos serviron para tratar o tema cos máis  cativos.

TRINKE TRINKE NA ESCOLA: "O RATO FUCO APRENDE A QUERER"

Dentro do programa "Ao meu xeito" do Concello da Coruña contamos unha vez máis coa presenza de Fuco, un rato de biblioteca que nos fixo pensar moito. Co seu espectáculo "O rato Fuco aprende a querer" disfrutamos grandes e pequenos.

PLAN DIRECTOR PARA A CONVIVENCIA E A MELLORA NA SEGURIDADE DOS CENTROS EDUCATIVOS

Esta semana contamos no centro coa presenza dun inspector de policía para informarnos sobre os perigos das novas tecnoloxías e para falarnos do acoso. As charlas foron dirixidas ao alumnado de 5º e 6º de primaria.

Distribuir contido


by Dr. Radut