Contido popular
Título | Resumo |
---|---|
Letras Galegas: o escritor Xosé Antonio Perozo descúbrenos a figura de Mª Victoria Moreno |
Seguindo coas actividades dedicadas á autora Mª Victoria Moreno o día 25 de maio o alumnado de 6º de Primaria recibiu a visita do xornalista e escritor Xosé Antonio Perozo. Xosé A. Perozo foi amigo da autora homenaxeada polo que a través das súas palabras e lembranzas poidemos descubrir moitas cousas sobre a vida desta autora.
|
Enquisa para as familias 2018/2019 |
Contamos con vós para mellorar!! Dade a vosa opinión sobre o traballo relacionado coa Biblioteca Escolar. Teremos as vosas suxestións en conta!!
Tedes ata o 5 de xuño para responder. Moitas grazas pola vosa colaboración. |
Enquisa profesorado 2018/2019 |
Cubre a enquisa e axúdanos a mellorar!! A vosa opinión é moi importante para nós.
Tedes ata o 5 de xuño para responder. Moitas grazas pola vosa colaboración. |
ENQUISA ALUMNADO 2018-2019 |
A vosa opinión é moi importante. Cubre esta enquisa e axúdanos a mellorar.
Tedes ata o 5 de xuño para responder. Moitas grazas pola vosa colaboración. |
PRIMAVERA DAS LETRAS |
A Real Academia Galega enviounnos un diploma recoñecendo o noso traballo sobre María Victoria Moreno, autora homenaxeada no Día das Letras Galegas de 2018. Amosámosvos o diploma que acadamos co traballo feito entre todos.
|
OBRADOIRO DE COCIÑA |
O alumnado de segundo curso de Ed. Primaria participou nun taller de cociña e a verdade non se lles deu nada mal. Fixeron a torta da avoa contando coa colaboración de Verónica Pérez a nai de Luca. Xa sabemos que non podemos tomala todos os días pero para festexar o fin do primeiro trimestre é unha boa idea. Como podedes ver nas fotos os nenos e nenas desfrutaron moito ese día.
|
COMER SAN É DIVERTIDO |
Ao longo da semana do 4 ao 8 de febreiro a Asociación Española Contra o Cancro visitou o colexio para impartir uns obradoiros ao alumnado de ed. infantil e ed. primaria. Foron unhas charlas onde aprendemos que alimentos son os máis beneficios para a nosa saúde e cales son os máis prexudiciais.
|
SEMANA DA PRENSA | |
EXPERIMENTOS |
Ao alumnado de 4º quedoulle bo "sabor de boca" da semana dos experimentos que tivemos no mes de novembro polo que decidiron afondar no tema dos experimentos con fluídos (aire e auga). Concretamente, o alumnado de 4ºB estivo realizando unhas sesións de experimentos científicos, onde tiñan que realizar e explicar en que consistía cada un. Foi un traballo realizado en grupos de 4 ou 5 alumnos e que resultou moi enriquecedor. Deixo aquí o enlace ás presentacións dos traballos dos alumnos, espero que resulten interesantes...
https://edu.glogster.com/glog/experimento-con-maicena-e-auga/38twc3db9ao https://edu.glogster.com/glog/como-inchar-un-globo-sen-soplar/35jwurspti4 https://edu.glogster.com/glog/experimentos-con-aire-e-con-auga/30leal2mirg https://edu.glogster.com/glog/experimento-coa-auga/38xu6q28o2c |
OBRADOIRO LITERARIO | |
CONVIVENCIAS 6º ED. PRIMARIA | |
LUIS SEOANE |
O 1 de abril celébrase o Día das Artes Galegas, unha celebración instituída pola Real Academia Galega de Belas Artes. Luis Seoane é o pintor homenaxeado no ano 2019. O alumnado de 2º E.P. estudou e traballou o cadro "As mariscadoras". Velaquí o resultado.
|
OBRADOIRO DE REGUEIFAS |
O alumnado de sexto de primaria participou no Obradoiro de Regueifas, en colaboración co Concello de Teo. Actividade impartida por dúas regueifeiras: Alba María: cantora, compositora e regueifeira galega. Alén de realizar actuacións e ofrecer obradoiros, vaise asentando no eido da improvisación, sendo unha das poucas voces femininas e introducindo novos temas como o discurso de xénero na arte da regueifa. No 2017 publicou o seu primeiro libro Regueifa en Bergantiños. Sara Marchena: titulada en Lingua e Literatura Galegas, comezou a súa relación coa regueifa da man de Pinto de Herbón e Caruncho. Dende o ano 2017 imparte obradoiros de Regueifa con especial atención a Regueifa Feminista ou a perspectiva de xénero dentro do galego. Grazas polo voso traballo !
|
23 DE ABRIL DÍA DO LIBRO |
Como cada curso celebramos o 23 de abril, Día do Libro coa "Lectura na carballeira". Por mor da choiva aprazamos a actividade a espera do bo tempo. Proseguimos coas actividades programadas para a semana recibindo ao autor Iago López que amosará o seu libro "O Cociñeiro Martiño e as cenorias desaparecidas". Para preparar o cartel conmemorarivo do Día, os e as axudantes da Biblioteca, basearon o seu traballo no cociñeiro Martiño. Velaquí o resultado.
|
CONTACONTOS IAGO LÓPEZ |
Hoxe visitounos o autor Iago López que nos contou o seu libro "O Cociñeiro Martiño e as cenorias desaparecidas". Disfrutamos moitísimo desta actividade, e a Iago gustoulle o noso cartel do Día do Libro, será polo guapo que sae o cociñeiro Martiño. Se seleccionas a imaxe para ver todas as fotos da xornada.
|
CONTACONTOS NA BIBLIOTECA NA HORA DO RECREO |
Hoxe na hora do recreo o alumnado de 5° improvisou un contacontos para o alumnado de 1°. Esta actividade xurdiu de forma espontánea e demostra as boas relacións e o bo clima que se respira na hora do recreo na nosa biblioteca. Deste xeito non só traballaron a expresión oral e a lectura senon que ademáis fomentan o uso da lingua galega. E como non hai maior exemplo que unha boa imaxe,....
|
A MATERIA EN ESTADO PURO |
A escola constitúe un dos principais escenarios educativos para desenvolver actividades saudables dado que se traballa con alumnos/as que se atopan en período de formación física,psíquica e social que posúen una gran capacidade para a aprendizaxe e asimilación de hábitos. Traballar a educación para a saúde é de vital importancia dende a infancia, por esta razón ao longo deste curso en todos os niveis educativos , (a través das actividades propostas dende a biblioteca e os distintos equipos), fomentouse o desenvolvemento saudable de todo o corpo , poñendo especial atención nos órganos imprescindibles para a actividade física (corazón, pulmóns, músculos e ósos que fan que o organismo realice a súa actividade de maneira satisfactoria). Por outra banda, tamén lles ensinamos (coa axuda das familias) a saber realizar hábitos alimenticios saudables, consumo de froitas e verduras, orixe dos alimentos, beneficios da actividade física e tomar conciencia do valor dos alimentos como recurso esencial e indispensable para a vida. Cabe destacar a participación na actividade de merendas saudables ao longo do curso. Traballamos de xeito globalizado coas distintas áreas do nivel, de ahí o coidado do medio medioambiente dado que é de vital importancia para a saúde: o estudo das abellas co “rico mel de Tilandra”.A modo de resumo, acadáronse os obxectivos propostos e as actividades resultaron motivadoras para o alumnado. Na exposición dos traballos do alumnos-as, pódese ver unha pequeña escolma das actividades desenvolvidas ao longo do curso.
|
PROXECTO "A VACA" - GRUPO 3 ANOS |
Este proxecto está enmarcado dentro do P.D.I. “Tilandra medra sa”. Aínda que se levou a cabo ao longo do 3º Trimestre deste curso, o eixe motivador do mesmo desenvolveuse durante o segundo coas actividades levadas a cabo no Entroido, na que fomos disfrazados de vacas e leiteiros/as. A curiosidade polas vacas foi en aumento, tras descubrir unha mañá que a nosas clases estaban cheas de pegadas deste animal e nun recuncho da clase apareceu un cartón de leite. Todos estabamos moi emocionados…! tiñamos que aprender moitas cousas sobre aquel animal que nos visitara e que nos aportaba na nosa alimentación. O obxectivo principal deste proxecto documental foi iniciar ao noso alumnado de 3 anos na investigación, a elaboración de hipóteses, aprender a reflexionar e sacar conclusións… ; en definitiva a pensar e ser críticos. Durante este proxecto tiveron un papel moi importante as familias, sobre todo na aportación de información e materiais, así como na realización dalgunhas actividades como a “cow parade” cunha moi boa acollida polo que estamos inmensamente agradecidas. Entre as actividades desenvolvidas cabe sinalar a elaboración dun dossier con información, obradoiros de cociña, experimentos, un vídeo documental sobre a vaca e moitas máis actividades … Toda esta información está recollida no noso blog http://tilinhos.blogspot.com/ no apartado: “PDI: A vaca”. Alí poderedes observar todo o traballo desenvolvido polo alumnado de 3 anos. Agardamos a vosa visita!!!
|
ALIMENTACIÓN SAUDABLE VS NON SAUDABLE |
Como xa sabedes, neste curso académico o proxecto da nosa biblioteca e da nosa amiga Tilandra é a alimentación saudable. É por isto, que esta exposición xira ao redor deste tema. Para realizala fixemos dúas actividades que poden ver amosadas nas seguintes fotografías. A primeira delas, foi un mural relacionado coa alimentación do meu alumnado. Para a actividade os alumnos e as alumnas trouxeron das súas casas envases de alimentos que consomen a diario. Logo un a un, foron calculando, a través da información aportada polos ingredientes do envase a cantidade de azucre que contiña cada un destes alimentos. Deste xeito, fóronse decatando da grande cantidade de azucre que tiñan a gran maioría deles. O obxectivo principal da actividade era o de que o alumnado tomase consciencia da grande importancia que ten a alimentación e tamén do pouco saudables que son algúns dos alimentos que consomen día a día. A outra parte da exposición consistiu nunha búsqueda de información dun alimento, neste caso do figo. Para atopar a información máis importante fixeron grupos. Uns buscaron información sobre a figueira, outros curiosidades dos figos e os últimos unha receita elaborada con figos. Con esta actividade non só traballamos un froito, que como sabemos deben formar parte da nosa dieta diaria, senón que tamén coñeceron máis datos interesantes sobre o figo que non é consumido habitualmente por ningún deles. Como conclusión final, consideramos que esta exposición foi cando menos interesante e divertida para cada un de nós e grazas a ela achegámonos máis aos hábitos saudables.
|
LECTURA NA CARBALLEIRA |
Aproveitando o bo tempo da semana das Letras Galegas, fixemos a xa tradicional Lectura na Carballeira. O alumnado dos cursos superiores elixen libros para ler aos máis cativos do colexio. É unha actividade onde disfrutan da natureza e ao mesmo tempo comparten o seu libro favorito.
|
VISITA AO MUSEO DO POBO GALEGO |
Ao longo do mes de maio o alumnado do colexio dende catro anos ata sexto de primaria asistimos ao Museo do Pobo Galego para visitalo e realizar distintas actividades. Os nenos e nenas de catro e cinco anos asistiron a actividade "Xogos Bailados", a través dun xogo de roda que leva asociado unhas cantigas os máis cativos achéganse ao museo. O alumnado de primeiro de educación primaria asistiron a actividade "Canta adiviña canta", a través de adiviñas, sons e cancións descobren os instrumentos tradicionais. Os de segundo de educación primaria asistiron a actividade " Da vara ao carabelo" , unha visita obradoiro onde o alumnado tivo contacto con saberes e técnicas do patrimonio náutico e pesqueiro. Terceiro, cuarto, quinto e sexto de educación primaria realizaron a actividade "Fraguando datos sobre D. Antonio", a través dun xogo, o alumnado coñeceu e descobreu máis en profundidade a figura de Fraguas e a relación co Museo do Pobo Galego. Se premedes na imaxe veredes o acontecido.
|
PARA ESTAR SANOS DEBEMOS TER SENTIMENTOS E EMOCIÓNS AMOROSAS COS DEMAIS. |
PARA ESTAR SANOS DEBEMOS TER SENTIMENTOS E
EMOCIÓNS AMOROSAS COS DEMAIS.
FIXÁMONOS NAS COUSAS BOAS QUE FAN OS NOSOS COMPAÑEIROS...
... PORQUE NOS SENTIMOS BEN CANDO FACEMOS SENTIR BEN AOS DEMAIS.
Para medrar sans e cuns dentes sanos e fortes temos que vixiar o que comemos evitando comer alimentos ricos en azucres, e comer máis froitas e verduras.
Fixemos traballos con lentellas e co millo e aprendemos algunha cousiña deles.
E moi importante empezar ben a mañá tomando un almorzo saudable…
… e despois de almorzar lembrarse de lavar ben os dentes.
|
A PATACA 3ºB |
Este curso traballamos :A PATACA . Buscamos a información adecuada a idade dos nenos, a súa historia: un tubérculo que proven de América do Sur (Perú e Bolivia), e cando chega a Galicia convértese nun alimento que substitúe a castaña que era o produtobase da alimentación. Tamén atopamos cancións populares, adiviñas e xogos sobre o tema. Fixemos arte con estampacións de selos de patacas bonecos e receitas de cociña. Aprendemos os seus beneficios e as súas propiedades
|
ALIMENTACIÓN SAUDABLE |
Ao longo do curso o alumnado de segundo de educación primaria traballamos os seguintes aspectos dentro do proxecto de centro "Tilandra medra sa" Aquí deixámosvos un guión para que cando visitedes a nosa exposición saibades o que realizamos. -Pirámide de alimentos: frecuencia coa que debemos comer os alimentos. -Obradoiro de cociña: saborosa larpeirada. -Macedonia de froitas: macedonia natural e disfraces de entroido. -Menú saudable: bandexas. -Estudo dun froito/a: a castaña e a sandía. -Agricultura, cultivo de alimentos: apeiros para traballar no agro.
|
ALIMENTACIÓN SAUDABLE |
Dentro das actividades que realizamos en 4º B para traballar a alimentación saudable a que máis sorprendeu foi a de buscar Supercatadores. A moitos nenos non lles gusta a froita e as verduras, sobre todo o brócoli, as espinacas… a algúns resultalles un sabor moi forte, desagradable e cun punto de picor. Isto tan curioso, pode ser por razóns culturais, a comer tamén se aprende, ou pode ser que o noso sentido do gusto está superdesenvolto. Quisemos investigarlo e fixemos este experimento. Podedes ver o vídeo en https://youtu.be/IUWgsSQwOVY Ao longo do 2º e 3º trimestre recollemos novas sobre alimentación, algunhas moi curiosas e debatimos sobre as propiedades dos chamados “superalimentos”. Fixemos actividades baseándonos na pirámide nutricional e na distribución dos alimentos na dieta durante a xornada e durante semana, poñendo énfase en evitar os productos ultraprocesados. Falamos dos peligros do exceso de grasas hidroxenadas, azúcares e sal na nosa dieta. E finalmente, fixemos un traballo de análise sobre a cantidade de resíduos que se recollen mensualmente coas merendas do cole. Este rexistro desenvolveuse durante o mes de abril e maio, na nosa aula, e del concluímos que debemos evitar consumir tantos productos envoltos en plástico. Por desgracia os supermercados ofrécennos demasiado plástico envolvendo os productos de consumo diario. Así que, como colofón desta actividade decidimos iniciar unha campaña de concienciación para eliminar productos dun só uso, coma os canutillos de plástico, das nosas costumes de consumo. Gravamos un vídeo declaránsolle a “guerra aos canutillos de plástico” e extendémos a proposta ao resto dos cursos de ed. Primaria do centro. Tamén comentamos a posibilidade de concienciar ás nosas familias de que seguiran a campaña de boicot aos alimentos envoltos en plástico, da organización Cero Waste, que se desenvolverá entre o 3 e o 9 de xuño, na que se propón que non consumamos productos envasados en plástico de un só uso, para demostrar aos supermercados que non queremos contribuír á contaminación por plásticos.
|