O venres 23 de Abril celebramos  o Día Mundial do Libro . Esta data é un motivo para valorar a importancia da lectura.  Dende o centro tentamos fomentar o desenvolvemento dos nenos-as como lectores.

O alumnado de sexto de educación primaria, queren recomerdarvos algúns dos seus libros favoritos. Debuxaron a portada do libro e gravaron un audio. Se utilizades un lector de códigos qr, escoitaredes unha breve reseña dese libro. Esperamos que desfrutedes coas nosas recomendacións. Comezade xa!!!

Obradoiro impartido por Lupe Blanco para o alumnado de sexto de Primaria.

O obxectivo principal foi a difusión da improvisación oral en galego a través das regueifas contribuíndo deste xeito á promoción do uso da Lingua Galega.

O mércores 7 de abril o alumnado de quinto e sexto participou na visita en liña ao corazón do Salón Teatro do Centro Dramático Galego. Con anterioridade traballamos nas aulas a unidade didáctica "Das musas ao teatro". Na visita virtual os alumn@s visualizaron as partes dun teatro e as profesións vinculadas ao mesmo. Resultou unha experiencia motivadora e fascinante.

Este 21 de marzo, coincidindo co inicio da primavera, celebramos o Día Mundial da Poesía. En tempos de coronavirus, a poesía é a vacina contra a incerteza e os medos que nos asolan. Dende o centro buscamos reflectir as Emocións do noso alumnado a través de poemas e obras de arte, proxectando os seus sentimentos, baixo o título "Poesía por un tubo". Deste xeito promovemos a poesía como manifestación da súa creatividade literaria e artística.

As familias do colexio celebraron o Entroido e compartiron connosco as súas vivencias.

GRAZAS FAMILIAS!

Un ano máis o Entroido chegou ao colexio dos Tilos, aínda que dun xeito diferente ao que estabamos acostumados. A Pandemia obrigounos a modificar algunhas das actividades que eran costume no colexio, como o "Gran desfile Carnavaleiro", pero aínda así puxemos ilusión e ganas. Con Van Gogh e Frida como pintores de referencia, os nenos e nenas conseguiron os mellores e vistosos disfraces; facendo gala da súa alegría e ganas de troula. Entre todos conseguimos esquecernos por uns días desta situación.

Un Entroido máis, Tilandra quere que os nenos e nenas do colexio dos Tilos vos divirtades e que a vosa imaxinación voe moi lonxe. Concretamente ata México e Holanda, que son países orixinarios dos protagonistas dos Mandatos. Se precisades máis información, ollade os vídeos da anterior entrada da web. Non esquezades que:"- Para poder ao cole volver a Tilandra teredes que obedecer". Fixádevos ben para cumprir os seus mandatos. Lembrade que estamos  a traballar o PDI "EmocionArte con Tilandra". Seleccionade un dos pintores e cada día da semana engadiredes un complemento máis. O venres viredes caracterizados do pintor ou pintora elixidos.