O día 25 de novembro celebramos o "Día internacional contra a violencia de xénero" asistindo a unha representación do conto Maruxa de OQO de Eva Mejuto no que quedan de manifesto os valores de compartir e valorar aos demais. Gozamos tamén dunha versión moi marchosa de este conto que fixeron os alumnos doutro cole. E elaboramos unhas pulseras coa mensaxe: TODO@S IGUAIS E TOD@S DIFERENTES.

De novo 3º e 4º de Primaria gozou dunha interesante actividade da Concellería de NL e o Concello que tivo como finalidade achegarlles aos nenos e nenas, dun xeito ameno e didáctico, o mundo da dobraxe. Primeiro, os actores e dobradores, Manuel Pombal e Suso Pando, fixeron un xogo dramático moi divertido no que nos mostraron os pasos da elaboración dunha película; desde a creación do guión ata a súa dobraxe. Logo, sen abandonar o ton lúdico e teatral, presentáronnos aos personaxes do “mini capítulo” que logo dobramos. Acto seguido, ensaiamos todos xuntos un fragmento da película, aprendendo a encaixarmos as propias voces nas bocas dos personaxes. Cando xa tiñamos os/as dobradores/as.iLemos o guión, ensaiamos, axustamos e... Silencio! Imos gravar! Gravamos... e, moi sorprendidos/as, escoitamos o resultado.

O Concello e a Concellería concedeunos esta actividade para o alumnado de 3º e 4º de Primaria e a través da exposición de dez plantas aromáticas falamos das súas diferenzas, arrecendos, usos tradicionais, terreos nos que medran, simboloxía, tradición oral, toponimia, variantes... E para rematar fixemos os nosos propios sacos de olor con diferentes herbas.

Con produtos de uso cotián como son a auga, a fariña, o aceite ou os colorantes alimentarios, elaboramos un produto natural, semellante a plastilina que logo levamos para casa. Dende a perspectiva lingüística os produtos utilizados permitíronnos traballar co léxico (froitas, cereais, árbores...). Outra actividade concedida pola Concellería de NL e o Servizo de NL do Concello de Vigo.

Nesta ocasión a Concellería de NL e o Concello de Vigo concedérennos unha nova e diferente actividade para os alumnos/as de 1º e 2º de Primaria. Baixo a idea de que os contos están para vivilos, Miguel Ángel Alonso Diz, achegounos historias coas que aprender dun xeito divertido as vogais, os puntos cardinais, os números e o amor pola nosa lingua. Acompañado dun obradoiro de “pintar con luz ou lightpainting”, coa que o alumnado trazou vogais no aire, letras ou debuxos.